കാവ്യ പറഞ്ഞത് നുണ; കാവ്യ സുനിയെ വിളിച്ചിരുന്നത് സുനിക്കുട്ടന്‍ എന്ന് !
കാവ്യ സുനിയെ വിളിച്ചിരുന്നത് സുനിക്കുട്ടന്‍ എന്ന് !
കൊച്ചിയില്‍ യുവനടി ആക്രമിക്കപ്പെട്ട കേസിലെ മുഖ്യപ്രതി പൾസർ സുനി നടിയും ദിലീപിന്റെ ഭാര്യയുമായ കാവ്യയുമായും അടുത്ത ബന്ധം ഉണ്ടായിരുന്നതായി റിപ്പോർട്ടുകൾ. കാവ്യയും ദിലീപും ഒടുവിൽ ഒന്നിച്ച് അഭിനയിച്ച ചിത്രത്തിന്റെ ലൊക്കേഷനിലും സുനി എത്തിയിരുന്നതായി വിവരങ്ങളുണ്ട്.
ലൊക്കേഷനില്‍ വെച്ച് സുനി വളരെ അടുപ്പത്തോടെയാണ് ഇവരോട് പെരുമാറിയതെന്ന് മനോരമ ന്യൂസ് റിപ്പോര്‍ട്ട് ചെയ്തിരുന്നു. ഇവിടെ വച്ച് കാവ്യയുമായി സുനി വളരെ അടുപ്പത്തോടെയായിരുന്നു പെരുമാറിയതെന്നും സുനിയെ ലൊക്കേഷനിലെ പലരും വിളിച്ചിരുന്നത് സുനിക്കുട്ടൻ എന്നായിരുന്നു വിവരങ്ങൾ.
കൊച്ചിയില്‍ യുവനടി ആക്രമിക്കപ്പെട്ട സംഭവവുമായി ബന്ധപ്പെട്ട് ദിലീപിന്റെ ഭാര്യയും നടിയുമായ കാവ്യാ മാധവനെ അന്വേഷണ സംഘം ചോദ്യം ചെയ്തിരുന്നു. മണിക്കൂറുകളോളം നീണ്ടു നിന്ന ചോദ്യം ചെയ്യലില്‍ താരം പൂര്‍ണ്ണമായി സഹകരിച്ചു. പൊലീസ് എഴുതി തയ്യാറാക്കിയ ചോദ്യാവലി പ്രകാരം നടത്തിയ ചോദ്യം ചെയ്യല്‍ വൈകിട്ട് അഞ്ചു മണിയോടെയാണ് അവസാനിച്ചത്.
നടിയെ ആക്രമിച്ച ദൃശ്യങ്ങള്‍ അടങ്ങിയ മെമ്മറി കാര്‍ഡ് കാവ്യയുടെ സ്ഥാപനമായ ലക്ഷ്യയില്‍ നല്‍കിയിട്ടുണ്ടെന്ന് പള്‍സര്‍ സുനി നല്‍കിയ മൊഴിയുടെ അടിസ്ഥാനത്തിലാണ് കാവ്യാ മാധവനെ പൊലീസ് ചോദ്യം ചെയ്തത്. എന്നാല്‍ പള്‍സര്‍ സുനിയെ തനിക്ക് പരിചയമില്ലെന്നും പത്രത്തില്‍ ചിത്രം കണ്ട പരിചയം മാത്രമേയുള്ളുവെന്നും തന്റെ ഉടമസ്ഥതയില്‍ പ്രവര്‍ത്തിക്കുന്ന ലക്ഷ്യയില്‍ ഇയാള്‍ വന്നതായി അറിയില്ലെന്നും താരം അന്വേഷണ സംഘത്തോട് പറഞ്ഞു.
