രാജ്യാന്തര വിപണികളിൽ കഴിഞ്ഞ ദിവസം അവതരിപ്പിച്ച വൺ പ്ലസ് 6 ഇന്ത്യയിലെത്തി. ഇതിനൊപ്പം വയർലെസ് ഹെഡ്‌ഫോണും പുറത്തിറക്കി. ഫോണിൽ വിപണിയിൽ വൻ സ്വീകരണം ലഭിക്കുമെന്നാണ് കരുതുന്നത്. ചടങ്ങിൽ ബിഗ് ബി അമിതാഭ് ബച്ചൻ പങ്കെടുത്തു.
64 ജിബി സ്റ്റോറേജ്, 6 ജിബി റാം വേരിയന്റിന്റെ ഇന്ത്യയിലെ വില 34,999 രൂപയാണ്. 128 ജിബി സ്റ്റോറേജ്, 8ജിബി റാം വേരിയന്റിന് 39,999 രൂപയും അവഞ്ചേഴ്‌സ് ലിമിറ്റഡ് എഡിഷൻ, 256 ജിബി സ്റ്റോറേജ് 8 ജിബി റാമിന്റെ വില 44,999 രൂപയാണ്.
വൺ പ്ലസ് 6 മെയ് 21 മുതൽ ആമസോൺ പ്രൈം വഴി അംഗങ്ങൾക്ക് വാങ്ങാനാകും. മറ്റുള്ളവർക്ക് മെയ് 22-ന് ലഭ്യമാകും. കൂടാതെ വൺപ്ലസിന്റെ ഔദ്യോഗിക വെബ്‌സൈറ്റ് വഴിയും ലഭ്യമാകും. ലിമിറ്റഡ് എഡിഷൻ വേരിയന്റ് 29-ന് മാത്രമേ ലഭ്യമാകൂ. സിൽക് വൈറ്റ്, മിഡ്‌നറ്റ് ബ്ലാക്ക്, മിറർ ബ്ലാക്ക് എന്നീ നിറങ്ങളിലുള്ള ഹാൻഡ്‌സെറ്റുകൾ ലഭ്യമാണ്.
