വീടിനു മുകളിലേക്ക് ഹെലികോപ്റ്റർ തകർന്നുവീണ് മൂന്നു മരണം. രണ്ടുപേര്‍ക്ക് പരുക്കേറ്റു. കാലിഫോർണിയയിലെ ലോസ് ആഞ്ചലസിലാണ് അപകടം നടന്നത്. റെവലൂഷൻ എവിയേഷന്റെ ഉ‌ടമസ്ഥതയിലുള്ള റോബിൻസൺ 44 എന്ന ഹെലികോപ്റ്ററാണ് അപകടത്തിൽപ്പെട്ടത്.
പൈലറ്റും നാലു യാത്രക്കാരുമാണ് കോപ്റ്ററിലുണ്ടായിരുന്നത്. കോപ്റ്റർ തകർന്നു വീണ സമയത്ത് ആ വീട്ടിൽ ആരും ഉണ്ട‌ായിരുന്നില്ലെന്ന് ന്യൂപോർട്ട് ബീച്ച് പൊലീസ് അറിയിച്ചു. അപകടത്തിന്റെ കാരണം അന്വേഷിച്ചു വരുകയാണെന്ന് അധികൃതർ വ്യക്തമാക്കി.
