ക്രൂരതയുടെ മുഖംമൂടി അണിഞ്ഞ ഇവളോ അധ്യാപിക ? ഹാജര്‍ വിളിച്ചപ്പോള്‍ മറുപടി നല്‍കാത്ത വിദ്യാര്‍ത്ഥിക്ക് സംഭവിച്ചത് - വീഡിയോ
ഹാജര്‍ വിളിച്ചപ്പോള്‍ മറുപടി നല്‍കാത്തതിന് വിദ്യാര്‍ഥിയുടെ മുഖത്ത് അധ്യാപിക ആഞ്ഞടിച്ചത് 40 തവണ
അറ്റന്റന്‍സ് വിളിച്ച സമയത്ത് ‘പ്രസന്റ്’ പറയാതിരുന്നതിന് വിദ്യാര്‍ത്ഥിക്ക് ക്രൂരമര്‍ദനം. നാല്പതിലേറെ തവണ തന്റെ ഇരുകൈകൊണ്ടും കുട്ടിയുടെ മുഖത്ത് മാറിമാറി അടിച്ചാണ് ആ ക്രൂരയായ അധ്യാപിക പ്രതികാരം തീര്‍ത്തത്. 10-12 വയസ്സ് പ്രായം തോന്നിക്കുന്ന ആണ്‍കുട്ടിയാണ് ഇവരുടെ ക്രൂരതയ്ക്ക് ഇരയായത്. അതിന്റെ വീഡിയോയാണ് ഇപ്പോള്‍ സമൂഹമാധ്യമങ്ങളിലൂടെ പ്രചരിക്കുന്നത്.
മറ്റു കുട്ടികളുടെ മുന്നില്‍ വച്ചായിരുന്നു ഒരു ദയയും ദാക്ഷണ്യവുമില്ലാതെ ആ സ്ത്രീ വിദ്യാര്‍ഥിയെ മര്‍ദിച്ചത്. ഇത് കണ്ട് മുന്‍നിരയില്‍ ഇരുന്ന ഒരു കുട്ടി മേശപ്പുറത്ത് കമഴ്ന്നുകിടക്കുന്നുണ്ട്. മറ്റു കുട്ടികളില്‍ ചിലര്‍ എഴുത്തിലാണ്. മറ്റു കുട്ടികളാവട്ടെ തെല്ലൊന്നും ശബ്ദിക്കാതെ ഇത് കണ്ടിരിക്കുകയുമാണ്. അധ്യാപിക ക്ലാസില്‍ മുന്‍പ് പലപ്പോഴും ഇപ്രകാരം പെരുമാറിയിട്ടുണ്ടെന്നാണ് ഇതില്‍ നിന്നും മനസിലാകുന്നത്.
