ചൂടു ചായ ഇഷ്‌ടപ്പെടാത്തവരായി ആരും തന്നെ കാണില്ല. ശാരീരിക ഉന്മേഷത്തിന് നല്ല കടുപ്പത്തിലുള്ള ചായ ഉപകരിക്കുമെന്ന വിശ്വാസം പുരുഷന്മാരിലും സ്‌ത്രീകളിലുമുണ്ട്.
ചൂട് ചായ അമിതമായി കഴിക്കുന്നവരും ധാരാളമാണ്. ഇത്തരക്കാരെ ആശങ്കപ്പെടുത്തുന്ന റിപ്പോര്‍ട്ടാണ് അമേരിക്കന്‍ കാന്‍സര്‍ സൊസൈറ്റി പുറത്തുവിട്ടിരിക്കുന്നത്.
ചൂടു ചായ അടിക്കടി കുടിക്കുന്നവരില്‍ അന്നനാളകാന്‍സര്‍ വരാനുള്ള സാധ്യത മറ്റുള്ളവരെ അപേക്ഷിച്ചു രണ്ടിരട്ടിയാണെന്നാണ് പഠനങ്ങള്‍ പറയുന്നത്.
തൊണ്ണൂറുഡിഗ്രി കൂടുതല്‍ ചൂടുള്ള 700 മില്ലിലിറ്റര്‍ ചായയോ കോഫിയോ സ്ഥിരം കുടിക്കുന്നവര്‍ക്ക് അന്നനാളകാന്‍സര്‍ സാധ്യത തൊണ്ണൂറുശതമാനം ആണെന്നാണ്‌ റിപ്പോര്‍ട്ട്.
ചൂട് ചായ അളവില്‍ കൂടുതല്‍ കുടിക്കാതിരിക്കുകയും, അല്‍പ്പം തണുപ്പിച്ച് കുടിക്കുകയും ചെയ്യുകയാണ് ഇതിന് ഏക പ്രതിവിധി. സ്ഥിരമായി ചൂടുള്ള പാനീയങ്ങള്‍ അന്നനാളത്തിലെത്തുമ്പോള്‍ ആണ് ആരോഗ്യ പ്രശ്‌നങ്ങള്‍ വര്‍ദ്ധിക്കുന്നത്.
