കോപ്പ അമേരിക്ക സെമി ലൈനപ്പായി. ജൂലൈ അഞ്ച് തിങ്കളാഴ്ച നടക്കുന്ന ആദ്യ സെമി ഫൈനലില്‍ നിലവിലെ ചാംപ്യന്‍മാരായ ബ്രസീല്‍ പെറുവിനെ നേരിടും. ജൂലൈ ആറിന് നടക്കുന്ന രണ്ടാം സെമി ഫൈനലില്‍ കൊളംബിയയാണ് അര്‍ജന്റീനയുടെ എതിരാളികള്‍.
ബ്രസീല്‍-അര്‍ജന്റീന സ്വപ്‌ന ഫൈനലിലേക്കുള്ള ദൂരം കുറഞ്ഞിരിക്കുകയാണ്. സെമി ഫൈനലില്‍ ബ്രസീലും അര്‍ജന്റീനയും ജയിച്ചാല്‍ ജൂലൈ പത്തിന് നടക്കുന്ന കലാശപോരാട്ടത്തില്‍ ചിരവൈരികളുടെ ഏറ്റുമുട്ടല്‍ കാണാം. സ്വപ്‌ന ഫൈനലിനായി കാത്തിരിക്കുകയാണ് ബ്രസീല്‍, അര്‍ജന്റീന ആരാധകര്‍.
