ദളപതി 66ലെ (Thalapathy 66) അഭിനേതാക്കളുടെ എണ്ണം ഓരോ ദിവസം കഴിയുമ്പോഴും കൂടിവരുകയാണ്.ഷാം ടീമില്‍ ചേര്‍ന്നതിന് ശേഷം,പ്രഭു, പ്രകാശ് രാജ്, ജയസുധ എന്നിവര്‍ വംശി പൈഡിപ്പള്ളിയ്ക്കൊപ്പമുള്ള വിജയ് ചിത്രത്തിന്റെ ഭാഗമാണെന്ന് നിര്‍മ്മാണ കമ്പനിയായ ശ്രീ വെങ്കിടേശ്വര ക്രിയേഷന്‍സ് മെയ് 8 ന് പ്രഖ്യാപിച്ചിരുന്നു. തെലുങ്ക് നടന്‍ ശ്രീകാന്തും ( actor srikanth) സിനിമയില്‍ ഉണ്ടെന്നാണ് പുതിയ വിവരം.
തെലുങ്ക് താരം ആണെങ്കിലും കന്നഡ, മലയാളം സിനിമകളും നടന്‍ അഭിനയിച്ചിട്ടുണ്ട്. തമിഴില്‍ ശ്രീകാന്തിന്റെ ആദ്യ ചിത്രമായിരിക്കും ഇത്.ചിത്രത്തില്‍ ശരത് കുമാറും ഒരു പ്രധാന വേഷത്തില്‍ എത്തുന്നുണ്ട് നായിക രശ്മിക മന്ദാനയാണ്.സംഗീതം എസ് തമന്‍.
