സിനിമാ പ്രേമികള്‍ ആകാംഷയോടെ കാത്തിരിക്കുകയാണ് സുരേഷ് ഗോപിയുടെ പാപ്പനുവേണ്ടി. നീണ്ട ഇടവേളക്കുശേഷം സ്‌റ്റൈലിഷ് ലുക്കില്‍ സുരേഷ് ഗോപി മടങ്ങിയെത്തുന്നു എന്ന സൂചന നല്‍കിക്കൊണ്ട് ലൊക്കേഷന്‍ വീഡിയോ പങ്കുവെച്ചിരിക്കുകയാണ് നിര്‍മ്മാതാക്കള്‍. കാറില്‍ നിന്ന് വന്നിറങ്ങി സ്‌റ്റൈലിഷായി ഷൂട്ടിനായി നടന്നുനീങ്ങുന്ന നടന്റെ വീഡിയോയാണ് പുറത്ത് വിട്ടത്. മുന്‍ പോലീസ് ഉദ്യോഗസ്ഥന്റെ റോളിലാണ് അദ്ദേഹം അഭിനയിക്കുന്നത് എന്നാണ് വിവരം.
മാസ്സ്-ആക്ഷന്‍ എന്റര്‍ടെയ്നറായിരിക്കുമെന്നാണ് കരുതുന്നത്. വന്‍ താരനിര തന്നെ അണിനിരക്കുന്നുണ്ട്.സണ്ണി വെയ്ന്‍, ഗോകുല്‍ സുരേഷ്, നൈല ഉഷ, നീത പിള്ള എന്നിവരാണ് മറ്റു പ്രധാനവേഷങ്ങളില്‍ എത്തുന്നത്.ആര്‍ജെ ഷാനാണ് കഥ എഴുതിയിരിക്കുന്നത്.അജയ് ഡേവിഡ് കാച്ചാപ്പള്ളി ചായാഗ്രഹണവും ശ്യാം ശശിധരന്‍ എഡിറ്റിങ്ങും നിര്‍വഹിക്കുന്നു.ജേക്‌സ് ബിജോയ് ചിത്രത്തിനായി സംഗീതം ഒരുക്കുന്നു.ഡേവിഡ് കാച്ചാപ്പള്ളി പ്രൊഡക്ഷന്‍സ് ആണ് ചിത്രം നിര്‍മ്മിക്കുന്നത്.
