അപര്‍ണ ബാലമുരളിക്കൊപ്പം കലാഭവന്‍ ഷാജോണ്‍ പ്രധാന വേഷത്തിലെത്തുന്ന പുതിയ സിനിമയാണ് ഇനി ഉത്തരം.സുധീഷ് രാമചന്ദ്രന്‍ സംവിധാനം ചെയ്യുന്ന ചിത്രത്തില്‍ അപര്‍ണയാണ് കേന്ദ്രകഥാപാത്രമെന്നും അതിനെ ചുറ്റിപ്പറ്റി നില്‍ക്കുന്ന കഥാപാത്രങ്ങളാണ് തങ്ങളുടേത് എന്ന് ഷാജോണ്‍ വെളിപ്പെടുത്തി.
ഉത്തരം എന്ന സിനിമയില്‍ അഭിനയിക്കുവാന്‍ തീരുമാനിച്ചതിനു പിന്നില്‍ ഒരുപാട് കാരണങ്ങളുണ്ടെന്നും പ്രത്യേകിച്ചും സുധീഷ് എന്ന ഡയറക്ടര്‍ തന്നെയാണെന്നും ഷാജോണ്‍ പറയുന്നു.
ഹരീഷ് ഉത്തമന്‍, സിദ്ധാര്‍ത്ഥ് മേനോന്‍, സിദ്ദിഖ്, ജാഫര്‍ ഇടുക്കി, ദിനേശ് പ്രഭാകര്‍, ഷാജു ശ്രീധര്‍ തുടങ്ങിയ താരനിരയും ചിത്രത്തിലുണ്ട്.രഞ്ജിത്- ഉണ്ണി ടീമിന്റെതാണ് തിരക്കഥയും സംഭാഷണവും.
എ ആന്‍ഡ് വി എന്റര്‍ടെയ്ന്‍മെന്റിന്റെ ബാനറില്‍ വരുണ്‍, അരുണ്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. രവിചന്ദ്രനാണ് ഛായാഗ്രഹണം.
