മലയാള സിനിമയില്‍ ഇപ്പോള്‍ താരങ്ങള്‍ തമ്മിലുള്ള സഹകരണത്തിന് കുറവുവന്നിട്ടുണ്ടോ? സമീപകാല സംഭവങ്ങള്‍ സിനിമാതാരങ്ങള്‍ തമ്മിലുള്ള ബന്ധത്തില്‍ വിള്ളല്‍ വീഴ്ത്തിയോ?
ഈ ചോദ്യം മലയാള സിനിമയുടെ ഇന്നത്തെ അവസ്ഥയില്‍ സ്വഭാവികമാണ്. താരങ്ങള്‍ തമ്മിലുള്ള പഴയ സഹകരണം ഇപ്പോള്‍ കാണുന്നില്ല എന്ന അഭിപ്രായം വ്യാപകം.
ഈ പശ്ചാത്തലത്തിലാണ് നമ്മള്‍ തമിഴകത്തേക്ക് കണ്ണയയ്ക്കേണ്ടത്. അവിടെ വിജയ് - അജിത് ഫാന്‍സുകള്‍ തമ്മില്‍ നല്ല മത്സരവും പോരും നിലനില്‍ക്കുന്നുണ്ട്. എന്നാല്‍ താരങ്ങള്‍ തമ്മിലുള്ള സഹകരണം പ്രശംസനീയം.
വിജയ് ചിത്രമായ മെര്‍സലിന്‍റെ സിംഗിള്‍ റിലീസാകുന്ന സമയത്ത് അജിത് ചിത്രമായ വിവേകത്തിന്‍റെ ട്രെയിലര്‍ റിലീസ് മാറ്റിവച്ചിരുന്നു. ഇപ്പോള്‍ വിവേകം റിലീസ് ചെയ്ത സമയത്ത് മെര്‍സലിന്‍റെ ട്രെയിലറും മാറ്റിവച്ചിരിക്കുന്നു. പരസ്പരം ദോഷമാകരുതെന്നും അതുവഴി ഇന്‍ഡസ്ട്രിക്ക് ദോഷമുണ്ടാകരുതെന്നും അവിടത്തെ താരങ്ങള്‍ ചിന്തിക്കുന്നു.
എന്നാല്‍ ഇവിടെ ഇപ്പോഴും മമ്മൂട്ടിയുടെയും മോഹന്‍ലാലിന്‍റെയും ചിത്രങ്ങള്‍ ഒരേദിവസം റിലീസ് ചെയ്യുന്നതിലാണ് പലര്‍ക്കും താല്‍പ്പര്യം.
