തനിക്ക് അനുവാദം തന്നത് കമല്‍ സാറാണെന്ന് മഞ്ജു, ദിലീപ് അറസ്റ്റിലായതിന് ശേഷമുള്ള മഞ്ജുവിന്റെ വിദേശ യാത്ര സൂപ്പര്‍ !
ദിലീപ് അറസ്റ്റിലായതിന് ശേഷമുള്ള മഞ്ജുവിന്റെ വിദേശ യാത്ര സൂപ്പര്‍ !
കമല്‍ സംവിധനം ചെയ്യുന്ന പുതിയ ചിത്രത്തിന്റെ തിരക്കിലായിരുന്നു മഞ്ജു വാര്യര്‍. ഇതിനിടയിലാണ് നോര്‍ത്ത് അമേരിക്കന്‍ ഫിലിം അവാര്‍ഡില്‍ മികച്ച നടിക്കുള്ള അവാര്‍ഡ് മഞ്ജുവിനെ തേടിയെത്തുന്നത്. വേട്ട, കരിങ്കുന്നം സിക്‌സസ് എന്നീ ചിത്രങ്ങളിലെ മികച്ച അഭിനയത്തിനായിരുന്നു മഞ്ജുവിന് അവാര്‍ഡ്. എന്നാല്‍ ചടങ്ങില്‍ മഞ്ജു എത്തില്ലെന്ന വാര്‍ത്തയും ഉണ്ടായിരുന്നു.
കൊച്ചിയില്‍ വെച്ച് യുവനടി ആക്രമിക്കപ്പെട്ട കേസില്‍ ദിലീപ് അറസ്റ്റിലായതാണ് മഞ്ജു അമേരിക്കന്‍ യാത്ര വേണ്ടെന്ന് വയ്ക്കാന്‍ കാരണമെന്നായിരുന്നു റിപ്പോര്‍ട്ടുകള്‍. എന്നാല്‍ എല്ലാ പ്രശ്‌നങ്ങളും മാറ്റി വെച്ച് നടി അമേരിക്കന്‍ ചടങ്ങില്‍ പങ്കെടുക്കാന്‍ എത്തിയിരുന്നു.അവാര്‍ഡ് ചടങ്ങില്‍ പങ്കെടുക്കാന്‍ കഴിയാതെ വരുമെന്നാണ് കരുതിയിരുന്നതെന്ന് മഞ്ജു പറഞ്ഞു.
തന്റെ സുഹൃത്തുക്കളായ മാര്‍ട്ടിനും ജോജുവും തന്ന ധൈര്യമാണ് എനിക്ക് ഈ ചടങ്ങില്‍ പങ്കെടുക്കാന്‍ കഴിഞ്ഞതെന്ന് മഞ്ജു ചടങ്ങില്‍ വെച്ച് പറഞ്ഞിരുന്നു. എന്റെ ഗുരുനാഥനും ഞാനിപ്പോള്‍ അഭിനയിച്ചുക്കൊണ്ടിരിക്കുന്ന ആമിയുടെ സംവിധായകനുമായ കമല്‍ സാറിനോടും ചിത്രത്തിന്റെ നിര്‍മാതാവ് ഹാഫിലിനോടുമാണ് ആദ്യം നന്ദി പറയേണ്ടത്. ഷൂട്ടിങിനിടെ ഇവിടേക്ക് വരാനുള്ള അനുവാദം തന്നത് ഇവരാണെന്നും മഞ്ജു പറഞ്ഞു.
