കോട്ടയം കുഞ്ഞച്ചൻ റീ ലോഡേഡ്! ബോക്സ് ഓഫീസ് തകർത്തു വാരാൻ മമ്മൂട്ടി!
കോട്ടയം കുഞ്ഞച്ചനും പ്രാഞ്ചിയേട്ടനും ഒന്നിച്ച് വരുന്നു! മമ്മൂട്ടി തകർക്കും!
മമ്മൂട്ടിയുടെ കരിയറിലെ വ്യത്യസ്തമായ രണ്ട് കഥാപാത്രങ്ങളായിരുന്നു കോട്ടയം കുഞ്ഞച്ചനും പ്രാഞ്ചിയേട്ടനും. കോട്ടയം കുഞ്ഞച്ചന്റെ തമാശയും സ്റ്റൈലും ഇന്നും ആരാധകർ ഓർത്തിരിക്കുന്നു. പ്രാഞ്ചിയേട്ടനെന്ന ശുദ്ധ ഹൃദയനെയും അതിലെ മമ്മൂട്ടിയുടെ സംസാരരീതിയും ആരാധകർ മറന്നിട്ടില്ല.
കോട്ടയം കുഞ്ഞച്ചന്റെ കോമഡിയും പ്രാഞ്ചിയേട്ടന്റെ സ്ലാങ്ങും ചേർന്നാൽ എങ്ങനെ ഉണ്ടാകും.? അത്തരത്തിൽ ഒരു ചിത്രമാണ് സംവിധായകൻ ഒമർ ഒരുക്കുന്നത് എന്നാണ് പുതിയ റിപ്പോർട്ടുകൾ. തൃശൂര്‍ പശ്ചാത്തലമാക്കി ഒരുങ്ങുന്ന ഈ ചിത്രം ഒരു കോമഡി ആക്ഷന്‍ എന്‍റര്‍ടെയ്നര്‍ ആണെന്ന് നേരത്തേ റിപ്പോർട്ടുകൾ ഉണ്ടായിരുന്നു.
ഒമര്‍ ഈ സിനിമയുടെ തിരക്കഥ പൂര്‍ത്തിയാക്കിക്കഴിഞ്ഞു. സണ്ണി വെയ്ന്‍, ഷൈന്‍ ടോം ചാക്കോ എന്നിവരും ഈ സിനിമയിലെ പ്രധാന കഥാപാത്രങ്ങളെ അവതരിപ്പിക്കും. “ഹ്യൂമര്‍ സബ്‌ജക്ടാണ്. തൃശൂരിലെ ഗുണ്ടാ ഗ്യാംഗുകളെ ചുറ്റിപ്പറ്റിയുള്ള കഥ. കോട്ടയം കുഞ്ഞച്ചന്‍, രാജമാണിക്യം ഫ്ലേവറിലുള്ളതാകും. മമ്മുക്ക ഒരു കോമഡി ഗുണ്ടയായിട്ടാകും എത്തുക” - ഒരു സിനിമാമാഗസിന് അനുവദിച്ച അഭിമുഖത്തില്‍ ഒമര്‍ വ്യക്തമാക്കി.
