എന്നും ഗോസിപ്പ് കോളങ്ങളില്‍ നിറഞ്ഞുനിന്ന നടിയാണ് വനിത വിജയകുമാര്‍. താരത്തിന്റെ വ്യക്തിജീവിതവും ഏറെ ചര്‍ച്ചയായിരുന്നു. മൂന്ന് വിവാഹം കഴിച്ച വനിത നാലാമതും വിവാഹിതയായി എന്ന തരത്തില്‍ ഈയിടെ വലിയ പ്രചരണമുണ്ടായിരുന്നു. പവാര്‍ സ്റ്റാര്‍ ശ്രീനിവാസനൊപ്പമുള്ള വനിതയുടെ വിവാഹ ചിത്രമാണ് ഈ ഗോസിപ്പിന് കാരണമായത്. എന്നാല്‍, അത് ഒരു സിനിമയ്ക്കുവേണ്ടിയുള്ള പ്രമോഷന്‍ തന്ത്രമായിരുന്നു.
രണ്ടായിരത്തിലാണ് വനിതയുടെ ആദ്യ വിവാഹം. നടന്‍ ആകാശിനെയാണ് വനിത ആദ്യം വിവാഹം കഴിച്ചത്. 2007 ല്‍ ഈ ബന്ധം വേര്‍പ്പെടുത്തി. ആകാശുമായുള്ള ബന്ധത്തില്‍ വനിതയ്ക്ക് രണ്ട് കുട്ടികളുണ്ട്. അതിനുശേഷം അതേ വര്‍ഷം തന്നെ ബിസിനസുകാരനായ ആനന്ദ് ജയരാജിനെ വനിത വിവാഹം കഴിച്ചു. ഈ ബന്ധത്തില്‍ വനിതയ്ക്ക് ഒരു മകളുണ്ട്. അഞ്ച് വര്‍ഷത്തിനുശേഷം ഈ ബന്ധവും വേര്‍പ്പെടുത്തി. പിന്നീടാണ് വിഷ്വല്‍ ഇഫക്ട് ഡയറക്ടര്‍ പീറ്റര്‍ പോളിനെ വനിത വിവാഹം കഴിച്ചത്. പിന്നീട് പീറ്റര്‍ പോള്‍ മദ്യത്തിനും മയക്കുമരുന്നിനും അടിമയാണെന്ന് പറഞ്ഞ് ആ ബന്ധവും വനിത വേര്‍പ്പെടുത്തി.
സോഷ്യല്‍ മീഡിയയില്‍ എപ്പോഴും സജീവമാണ് വനിത. തന്റെ പുതിയ ചിത്രങ്ങളെല്ലാം വനിത പങ്കുവയ്ക്കാറുണ്ട്.
