'എന്റെ ഗുരു';അമിതാഭ് ബച്ചനെ കുറിച്ച് രജനികാന്ത്, 33 വര്‍ഷങ്ങള്‍ക്കു ശേഷം ഇരുവരും ഒന്നിക്കുന്നു
, വ്യാഴം, 26 ഒക്‌ടോബര്‍ 2023 (09:17 IST)
സൂപ്പര്‍സ്റ്റാര്‍ രജനികാന്ത് സിനിമ തിരക്കുകളിലാണ്.ടി.ജെ. ജ്ഞാനവേല്‍ തിരക്കഥയെഴുതി സംവിധാനം ചെയ്യുന്ന തലൈവര്‍ 170 ഒരുങ്ങുന്നു. ചിത്രത്തില്‍ മറ്റു ഭാഷകളിലുള്ള പ്രമുഖ താരങ്ങളും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.അമിതാഭ് ബച്ചനൊപ്പം വീണ്ടും അഭിനയിക്കാനായ സന്തോഷത്തിലാണ് രജനികാന്ത്. 33 വര്‍ഷങ്ങള്‍ക്കുശേഷമാണ് ഇരുവരും ഒന്നിക്കുന്നത്.
'തലൈവര്‍ 170' എന്ന ചിത്രത്തില്‍ എന്റെ ഗുരു, പ്രതിഭാസം, ശ്രീ അമിതാഭ് ബച്ചനൊപ്പം ഞാന്‍ 33 വര്‍ഷങ്ങള്‍ക്ക് ശേഷം വീണ്ടും പ്രവര്‍ത്തിക്കുന്നു. എന്റെ ഹൃദയം സന്തോഷത്താല്‍ മിടിക്കുന്നു',-എന്നാണ് രജനികാന്ത് ബച്ചനൊപ്പമുളള ചിത്രം പങ്കുവെച്ചുകൊണ്ട് എഴുതിയത്.
1991-ല്‍ ഹം എന്ന സിനിമയിലാണ് ഇരുവരും ഒടുവില്‍ ഒന്നിച്ച് അഭിനയിച്ചത്.മഞ്ജു വാര്യര്‍, ദുഷാരാ വിജയന്‍, റിതിക സിംഗ് എന്നിവരാണ് ചിത്രത്തിലെ നായികമാര്‍. അനിരുദ്ധ് ചിത്രത്തിനായി സംഗീതം ഒരുക്കുന്നു.
Follow Webdunia malayalam
അടുത്ത ലേഖനം
