സിനിമയില്‍ പുരുഷന്മാരും ചൂഷണം നേരിടുന്നുണ്ടെന്ന് ശ്വേതാ മേനോന്‍. ഹേമ കമ്മിറ്റി റിപ്പോര്‍ട്ടിനെ തുടര്‍ന്ന് സര്‍ക്കാര്‍ സംഘടിപ്പിക്കുമെന്ന് പറയുന്ന സിനിമ കോണ്‍ക്ലേവില്‍ വിശ്വാസമില്ലെന്നും താരം പറഞ്ഞു. സിനിമയില്‍ സ്ത്രീകള്‍ മാത്രമല്ല പുരുഷന്മാരും ചൂഷണത്തിന് വിധേയമാകുന്നുണ്ട്. പവര്‍ ഗ്രൂപ്പ് കാരണം തനിക്ക് 9 സിനിമകള്‍ നഷ്ടമായെന്നും ശ്വേതാ മേനോന്‍ പറഞ്ഞു. പവര്‍ ഗ്രൂപ്പില്‍ സ്ത്രീകളുമുണ്ട്. കര്‍ശനമായ നിയമം വരണമെന്നും റിപ്പോര്‍ട്ട് പുറത്തുവരാന്‍ അഞ്ചുവര്‍ഷം വൈകിപ്പിച്ചു എന്നുള്ളത് വലിയ വീഴ്ചയാണെന്നും തന്റെ അടുത്ത് ആരും മോശമായി പെരുമാറിയിട്ടില്ലെന്നും നടി പറഞ്ഞു.
അതേസമയം ബംഗാളി നടിക്ക് രഞ്ജിത്തില്‍ നിന്ന് മോശം അനുഭവം ഉണ്ടായെന്ന ആരോപണം തന്നെ ഞെട്ടിച്ചുവെന്നും ശ്വേതാ മേനോന്‍ പറഞ്ഞു. പാലേരി മാണിക്യത്തിന്റെ സെറ്റില്‍ താന്‍ ദുരനുഭവം നേരിട്ടിട്ടില്ലെന്നും ശ്വേതാ മേനോന്‍ വ്യക്തമാക്കി.
