ആഷിഖ് അബു സംവിധാനവും ഛായാഗ്രഹണവും നിര്‍വഹിക്കുന്ന പുതിയ ചിത്രമാണ് 'റൈഫിള്‍ ക്ലബ്ബ്'. സിനിമയുടെ ചിത്രീകരണം ആരംഭിച്ചു.ദിലീഷ് പോത്തന്‍, വാണി വിശ്വനാഥ്, അനുരാഗ് കശ്യപ്, ഹനുമാന്‍കൈന്റ്, ദി ബേബി ജീന്‍, വിന്‍സി അലോഷ്യസ്, വിഷ്ണു അഗസ്ത്യ, സുരഭി ലക്ഷ്മി, റംസാന്‍ മുഹമ്മദ്, വിജയരാഘവന്‍, ഉണ്ണിമായ പ്രസാദ് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
ദിലീഷ് കരുണാകരനൊപ്പം ഷറഫും സുഹാസുമാണ് റൈഫിള്‍ ക്ലബ്ബിന്റെ തിരക്കഥയൊരുക്കുന്നത്. മായാനദിക്ക് ശേഷം ആഷിഖ് അബു- ശ്യാം പുഷ്‌കരന്‍- ദിലീഷ് കരുണാകരന്‍ കൂട്ടുകെട്ട് ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്.
റെക്‌സ് വിജയന്‍ ചിത്രത്തിന് സംഗീതമൊരുക്കുന്നു.പ്രൊഡക്ഷന്‍ ഡിസൈനര്‍ അജയന്‍ ചാലിശ്ശേരിയാണ്.'മഞ്ഞുമ്മല്‍ ബോയ്‌സ്' എന്ന ചിത്രത്തിനായി ഒരുക്കിയ പ്രൊഡക്ഷന്‍ ഡിസൈന്‍ ഏറെ ജനപ്രീതി നേടിയിരുന്നു. ഒപിഎം സിനിമാസിന്റെയും ട്രൂ സ്റ്റോറീസിന്റെയും ബാനറിലാണ് ചിത്രമൊരുങ്ങുന്നത്. എഡിറ്റിങ് വി. സാജന്‍. ആക്ഷന്‍ സുപ്രീംസുന്ദര്‍, മേക്കപ്പ് റോണക്‌സ് സേവ്യര്‍.
ഓണത്തിന് ചിത്രം റിലീസ് ചെയ്യും.
