നടി കീര്‍ത്തി സുരേഷിന്റെ സഹോദരിയാണ് രേവതി സുരേഷ്. ബാംഗ്ലൂരിലെ വീട്ടിലെ താമസം മാറുകയാണെന്ന് രേവതി പറയുന്നു. കല്യാണം കഴിഞ്ഞ് ആദ്യമായി താമസം തുടങ്ങിയത് ഈ വീട്ടിലായിരുന്നു എന്നും ഒരുപാട് ഓര്‍മ്മകള്‍ ഉള്ള വീടാണ് ഇതൊന്നും താര സഹോദരി പറഞ്ഞു.
'ഒടുവില്‍ ഞങ്ങളുടെ വീടിനോടും ബാംഗ്ലൂരിനോടും വിടപറയാനുള്ള സമയമായി. ഭാര്യ ഭര്‍ത്താവായി ഒന്നിച്ചുള്ള ഞങ്ങളുടെ ആദ്യത്തെ വീടായിരുന്നു ഇത്. ഒരുപാട് മധുരമുള്ള ഓര്‍മ്മകള്‍, ചിരി, പ്രണയം, വഴക്കുകള്‍. ഞങ്ങള്‍ രണ്ടുപേരും ഈ വീട്ടില്‍ ഒരുപാട് വളര്‍ന്നു. ഇപ്പോള്‍ ആ അധ്യായം കഴിഞ്ഞു, മറ്റൊന്നിലേക്ക് പോകാനുള്ള സമയമാണ്. ജീവിതം നമ്മെ എവിടേക്കാണ് കൊണ്ടുപോകുന്നത് എന്നറിയാന്‍ ആകാംക്ഷയോടെ കാത്തിരിക്കുന്നു.എന്നാല്‍ നമ്മള്‍ എത്ര വീടുകള്‍ മാറ്റിയാലും ആദ്യത്തേത് എപ്പോഴും നമ്മില്‍ തന്നെ നിലനില്‍ക്കും.ഞങ്ങള്‍ അടുത്ത അധ്യായത്തിലേക്ക്..'-രേവതി സുരേഷ് കുറിച്ചു.
അച്ഛന്‍ സുരേഷ് കുമാര്‍ നിര്‍മ്മിച്ച വാശി എന്ന ചിത്രമാണ് കീര്‍ത്തി സുരേഷിന്റെ ഒടുവില്‍ റിലീസായ സിനിമ. അമ്മ മേനക സുരേഷ്, ചേച്ചി രേവതി സുരേഷ് എന്നിവരായിരുന്നു സഹ നിര്‍മ്മാണം. കീര്‍ത്തി നേരത്തെ അഭിനയിച്ച മരക്കാര്‍ അറബിക്കടലിന്റെ സിംഹം എന്ന ചിത്രത്തിലും ചേച്ചിയും അനിയത്തിയും ഒരുമിച്ച് പ്രവര്‍ത്തിച്ചിരുന്നു.രേവതി സുരേഷ് സംവിധാന വിഭാഗത്തില്‍ പ്രവര്‍ത്തിക്കുകയും അച്ഛന്‍ സുരേഷ് കുമാര്‍ ഒരു ചെറിയ വേഷത്തില്‍ ചിത്രത്തില്‍ അഭിനയിക്കുകയും ചെയ്തു.
