Parvathy Thiruvothu: 'ഇത് പാര്‍വതി തന്നെയാണോ!' ആരാധകരെ ഞെട്ടിക്കുന്ന 'ഫ്രീക്ക്' ലുക്കില്‍ താരം
സ്പ്രിംഗ് പോലെ ചുരുണ്ട് കിടക്കുന്ന മുടിയില്‍ പാര്‍വതിയെ കാണുമ്പോള്‍ പെട്ടന്ന് മനസിലാകുന്നില്ലെന്നാണ് ആരാധകര്‍ പറയുന്നത്
Parvathy Thiruvothu: വസ്ത്രധാരണത്തിലും സ്റ്റൈലിലും വളരെ വ്യത്യസ്തത പുലര്‍ത്തുന്ന താരമാണ് പാര്‍വതി തിരുവോത്ത്. താരത്തിന്റെ പുതിയ ചിത്രങ്ങളും വീഡിയോയുമാണ് സോഷ്യല്‍ മീഡിയയില്‍ ഇപ്പോള്‍ വൈറലായിരിക്കുന്നത്. കേളി ഷോര്‍ട്ട് ഹെയറില്‍ ഫ്രീക്ക് ലുക്കിലാണ് താരം ആരാധകര്‍ക്കു മുന്നില്‍ പ്രത്യക്ഷപ്പെട്ടത്. പായല്‍ കപാടിയ സംവിധാനം ചെയ്ത 'പ്രഭയായി നിനച്ചതെല്ലാം' (All We Imagine As Light) എന്ന സിനിമ കാണാന്‍ എത്തിയതാണ് താരം.
സ്പ്രിംഗ് പോലെ ചുരുണ്ട് കിടക്കുന്ന മുടിയില്‍ പാര്‍വതിയെ കാണുമ്പോള്‍ പെട്ടന്ന് മനസിലാകുന്നില്ലെന്നാണ് ആരാധകര്‍ പറയുന്നത്. പുതിയ ലുക്കിനു പിന്നിലെ രഹസ്യം എന്താണെന്ന് ചോദിച്ച ഓണ്‍ലൈന്‍ മീഡിയക്കാരോടു 'വെറുതെ, ഒരു തമാശയ്ക്കു വേണ്ടി' എന്നാണ് പാര്‍വതിയുടെ മറുപടി. എന്തായാലും താരത്തിന്റെ വെറൈറ്റി ലുക്കിനെ പ്രശംസിച്ചും ട്രോളിയും നിരവധി കമന്റുകളാണ് സോഷ്യല്‍ മീഡിയയില്‍ വന്നുകൊണ്ടിരിക്കുന്നത്.
പാര്‍വതിയുടെ അടുത്ത സുഹൃത്തുക്കളായ ദിവ്യപ്രഭയും കനി കുസൃതിയുമാണ് 'പ്രഭയായി നിനച്ചതെല്ലാം' എന്ന സിനിമയില്‍ ശ്രദ്ധേയമായ കഥാപാത്രങ്ങളെ അവതരിപ്പിച്ചിരിക്കുന്നത്. സിനിമ കണ്ട ശേഷം ഇരുവരേയും പ്രശംസിച്ച് പാര്‍വതി ഇന്‍സ്റ്റഗ്രാമില്‍ സ്റ്റോറിയും ഇട്ടിട്ടുണ്ട്. 'ഉള്ളൊഴുക്ക്', 'തങ്കലാന്‍' എന്നിവയാണ് പാര്‍വതിയുടെ ഏറ്റവും ഒടുവിലായി ശ്രദ്ധിക്കപ്പെട്ട രണ്ട് സിനിമകള്‍.
