തിയേറ്ററുകളില്‍ വലിയ പരാജയം നേരിട്ട സിനിമയുടെ ഡിജിറ്റല്‍ അവകാശങ്ങള്‍ സ്വന്തമാക്കിയത് നെറ്റ്ഫ്‌ലിക്സായിരുന്നു. മാര്‍ച്ച് മാസത്തില്‍ സ്ട്രീമിങ് ആരംഭിക്കും എന്ന് പറഞ്ഞെങ്കിലും നെറ്റ്ഫ്‌ലിക്‌സിലൂടെ റിലീസ് ഉണ്ടായില്ല. ഇതിന് പിന്നാലെ സിനിമയുമായുള്ള കരാര്‍ നെറ്റ്ഫ്‌ലിക്‌സ് ഉപേക്ഷിച്ച എന്ന തരത്തിലുള്ള റിപ്പോര്‍ട്ടുകളും പ്രത്യക്ഷപ്പെട്ടു.
ഒരു അഭിമുഖത്തില്‍ ഐശ്വര്യ രജനികാന്ത് സിനിമയുടെ 21 ദിവസത്തെ ഫൂട്ടേജുകള്‍ നഷ്ടപ്പെട്ടതായി പറഞ്ഞിരുന്നു.പിന്നാലെ നെറ്റ്ഫ്‌ലിക്‌സ് ആ 21 ദിവസത്തെ ഫൂട്ടേജ് നല്‍കണമെന്ന് സംവിധായികയോട് ആവശ്യപ്പെട്ടു.എന്നാല്‍ നെറ്റ്ഫ്‌ലിക്‌സിന്റെ ആ ആവശ്യം വെറും ഏപ്രില്‍ ഫൂള്‍ പ്രാങ്കായിരുന്നു എന്നാണ് ഇ ടൈംസ് റിപ്പോര്‍ട്ട് ചെയ്യുന്നത്. സിനിമ ഉടന്‍ സ്ട്രീമിങ് ആരംഭിക്കും എന്നാണ് പുതിയ റിപ്പോര്‍ട്ടുകള്‍.
