മീടൂ ആരോപണം: തമിഴ് സിനിമാലോകം കൈവിട്ടു, ചിന്മയിക്ക് താങ്ങായി മലയാള സിനിമ

മീടൂ ആരോപണങ്ങൾ കൊടുങ്കാറ്റ് പോലെ സിനിമാ ലോകത്ത് വീശിക്കൊണ്ടിരിക്കുകയാണ്. തമിഴ് സിനിമാ ലോകത്ത് മീടൂവുന് തുടക്കം കുറിച്ചയാളാണ് ഗായികയും ഡബിംഗ് ആർട്ടിസ്‌റ്റുമായ ചിന്മയി. ഗാനരചയിതാവ് വൈരമുത്തുവിനും നടന്‍ രാധാ രവിക്കുമെതിരെയായിരുന്നു ചിന്മയിയുടെ മീടൂ ആരോപണം. 

എന്നാൽ ഈ ആരോപണത്തിന് ശേഷം തമിഴ് സിനിമാ ലോകം ചിന്മയിയെ കൈവിട്ടു എന്നുതന്നെ പറയാം. എന്നാൽ ഇപ്പോഴിതാ, തമിഴകം തള്ളിപറഞ്ഞ ഗായികയെ മലയാള സിനിമ സ്വീകരിച്ചിരിക്കുകയാണ്.

തനിക്ക് സിനിമയില്‍ അവസരങ്ങള്‍ നിഷേധിക്കുകയാണെന്ന് ചിന്മയിയുടെ വെളിപ്പെടുത്തലിന് പിന്നാലെ ഇന്നലെ എ ആര്‍ റഹ്മാന്‍, താന്‍ സംഗീത സംവിധാനം നിര്‍വ്വഹിക്കുന്ന മലയാള ചിത്രം ‘ആടുജീവിതത്തി’ല്‍ ചിന്മയി ഒരു ഗാനം ആലപിച്ചിരിക്കുന്നതായി വെളിപ്പെടുത്തിയത്. 

ബെന്യാമിന്‍ രചിച്ച ‘ആടുജീവിതം’ എന്ന നോവലിനെ ആസ്പദമാക്കി ബ്ലെസ്സി സംവിധാനം ചെയ്യുന്ന ചിത്രത്തില്‍ പൃഥ്വിരാജ് ആണ് നായകന്‍.