ചരിത്ര നേട്ടത്തിലേക്ക് ഇനി ഒരു കൈ അകലത്തിന്റെ ദൂരം മാത്രം. മഞ്ഞുമ്മല്‍ ബോയ്‌സ് ആഗോളതലത്തില്‍ ഏറ്റവും കൂടുതല്‍ പണം നേടിയ മലയാള സിനിമ ആകാന്‍ ഇനി അധികം സമയം വേണ്ട. ഈ ലിസ്റ്റില്‍ ഒന്നാമത് എത്താന്‍ ഇനി ഏതാനും സംഖ്യകള്‍ കൂടിച്ചേര്‍ന്നാല്‍ മതി. നിലവില്‍ ഒന്നാം സ്ഥാനത്ത് 2018 എന്ന ചിത്രമാണ്. 176 കോടി കളക്ഷന്‍ നേടിയ ഈ ചിത്രത്തെ മറികടക്കാന്‍ ഇനി 4.5കോടി കൂടി മഞ്ഞുമ്മല്‍ ബോയ്‌സിന് ലഭിച്ചാല്‍ മതി.
ഫെബ്രുവരി 22നാണ് മഞ്ഞുമ്മല്‍ ബോയ്‌സ് റിലീസ് ചെയ്തത്. ആദ്യദിനം മുതല്‍ക്കേ മികച്ച പ്രതികരണങ്ങള്‍ ലഭിച്ച ചിത്രം ഇതുവരെ 170.50 കോടി കളക്ഷന്‍ നേടിയിട്ടുണ്ടെന്നാണ് റിപ്പോര്‍ട്ടുകള്‍.2018, മഞ്ഞുമ്മല്‍ ബോയ്‌സ്, പുലിമുരുകന്‍, ലൂസിഫര്‍, പ്രേമലു എന്നീ സിനിമകളാണ് നിലവില്‍ ടോപ്പ് ഫൈവില്‍ ഉള്ളത്.
തമിഴ്‌നാട്ടില്‍ 45 കോടി രൂപയിലേറെ ചിത്രം നേടിയിട്ടുണ്ടെന്നാണ് റിപ്പോര്‍ട്ടുകള്‍.തമിഴ്‌നാട്ടില്‍ നിന്നും പണം വാരുന്ന ഇതര ഭാഷാ സിനിമകളുടെ പട്ടികയില്‍ എട്ടാമതാണ് മഞ്ഞുമ്മല്‍ ബോയ്‌സ് ഉള്ളത്. തമിഴ്‌നാട്ടിലെ ഷാരൂഖാന്റെ ജവാന്റെ കളക്ഷന്‍ മഞ്ഞുമ്മല്‍ ബോയ്‌സ് നിലവില്‍ മറികടന്നു എന്നാണ് കേള്‍ക്കുന്നത്.
