അച്ഛന്റെ ചിത്രത്തിനായി മകന്‍ ദുല്‍ഖര്‍ സല്‍മാനും കാത്തിരിക്കുകയാണ്. ബിഗ് ബി റിലീസ് ചെയ്ത് 15 വര്‍ഷങ്ങള്‍ക്കു ശേഷം മമ്മൂട്ടിയെ നായകനാക്കി അമല്‍ നീരദ് സംവിധാനം ചെയ്യുന്ന 'ഭീഷ്മ പര്‍വം' കാണാനായി താനും കാത്തിരിക്കുന്നുവെന്ന് ദുല്‍ഖര്‍ സല്‍മാന്‍. മഴ നനഞ്ഞ് നില്‍ക്കുന്ന മെഗാസ്റ്റാറിന്റെ പുത്തന്‍ പോസ്റ്റര്‍ പുറത്തുവന്നിരുന്നു. അത് പങ്കുവെച്ചുകൊണ്ടാണ് ദുല്‍ഖര്‍ സിനിമയ്ക്കായി കാത്തിരിക്കുന്നതിനെ കുറിച്ച് പറഞ്ഞത്.
ചിത്രത്തിന്റെ ടീസറും പിന്നാലെ പുറത്തുവന്ന പാട്ടും ട്രെന്‍ഡിങ് ലിസ്റ്റില്‍ ഇടം നേടി. നെടുമുടി വേണു, കെപിഎസി ലളിത, നാദിയ മൊയ്തു, സൗബിന്‍ ഷാഹിര്‍, ഷൈന്‍ ടോം ചാക്കോ, ശ്രീനാഥ് ഭാസി, ഫര്‍ഹാന്‍ ഫാസില്‍, ദിലീഷ് പോത്തന്‍, ജിനു ജോസഫ്, ലെന, ശ്രിന്ദ, വീണ നന്ദകുമാര്‍, അനസൂയ ഭരദ്വാജ്, അനഘ, അബു സലിം, സുദേവ് നായര്‍, മാല പാര്‍വതി, കോട്ടയം രമേശ്, പോളി വല്‍സന്‍ തുടങ്ങിയ താരനിര ചിത്രത്തിലുണ്ട്.
അമല്‍ നീരദ് സംവിധാനം ചെയ്യുന്ന ഭീഷ്മപര്‍വവും കോറിയോ?ഗ്രാഫര്‍ ബൃന്ദ മാസ്റ്ററുടെ തമിഴ് ചിത്രമായ ഹേ സിനാമികയും മാര്‍ച്ച് 3ന് പ്രദര്‍ശനത്തിനെത്തുന്നു. ദുല്‍ഖര്‍ ആണ് നായകന്‍.
