മമ്മൂട്ടിയുടെ നല്ല മനസ്സിനു മുന്നിൽ നമിക്കുന്നു: ജോയ് മാത്യു

മമ്മൂട്ടി കെ കെ ആയത് പുത്തൻപണത്തിന്റെ സെറ്റിൽ വെച്ച്

ഷട്ടർ എന്ന ചിത്രത്തിനുശേഷം ജോയ് മാത്യു ഒരുക്കുന്ന 'അങ്കിൾ' ഇതിനോടകം പ്രേക്ഷകശ്രദ്ധ ആകർഷിച്ചു കഴിഞ്ഞു. മമ്മൂട്ടിയാണ് ചിത്രത്തിൽ നായകൻ. കേരളത്തിന്റെ സാമൂഹിക, രാഷ്ട്രീയ സാഹചര്യങ്ങള്‍ക്ക് പ്രാധാന്യം നല്‍കുന്ന ചിത്രം ഒരു കുടുംബത്തെ ചുറ്റിപ്പറ്റിയുള്ളതാണ്. ഗിരീഷ് ദാമോദര്‍ ആണ് സംവിധായകന്‍.

മമ്മൂട്ടി അവതരിപ്പിക്കുന്ന കെ കെ എന്ന കഥാപാത്രത്തെ ജോയ് മാത്യു തന്നെ അവതരിപ്പിക്കാൻ ഇരുന്നതാണ്. പിന്നീടാണ് കഥാപാത്രം മമ്മൂട്ടിയിലേക്ക് എത്തുന്നത്. പുത്തൻപണത്തിൽ അഭിനയിക്കാൻ പോയപ്പോഴാണ് 'അങ്കിളി'നെ പറ്റി മമ്മൂട്ടി അറിയുന്നത്. കഥ കേട്ടതും താൻ ചെയ്യാമെന്ന് മമ്മൂട്ടി പറഞ്ഞു. അങ്ങനെയാണ് മമ്മൂട്ടി കെ കെ ആയതെന്ന് ജോയ് മാത്യു ഒരു അഭിമുഖത്തിൽ പറയുന്നു. 

ചിത്രത്തിന്റെ ഷൂട്ടിംഗ് പൂർത്തിയായെങ്കിലും മമ്മൂട്ടി ഇതുവരെ പ്രതിഫലം വാങ്ങിയിട്ടില്ലെന്ന് ജോയ് മാത്യു പറയുന്നു. 'നല്ല ചിത്രത്തെ തിരിച്ചറിയാനുള്ള ആ കലാകാരന്റെ നല്ല മനസ്സിനു മുന്നിൽ നമിക്കുന്നു. മമ്മൂട്ടി എന്ന താരത്തെ മാറ്റി നിർത്തി, മമ്മൂട്ടിയെന്ന നടനെ അവതരിപ്പിക്കുന്ന ചിത്രമാണ് അങ്കിൾ' - ജോയ് മാത്യു പറയുന്നു.

മലയാളിയുടെ കപടസദാചാരത്തെ തുറന്നുകാട്ടിയ 'ഷട്ടർ' എന്ന ചിത്രത്തിമ് ശേഷം ജോയ് മാത്യു കഥയും തിരക്കഥയും എഴുതുന്ന ചിത്രമാണ് അങ്കിൾ.