പോരാട്ടത്തിന്‍റെ കഥകള്‍ക്ക് ചൈനയില്‍ എന്നും ഡിമാന്‍ഡുണ്ട്. അങ്ങനെയെങ്കില്‍, അവര്‍ക്ക് ഏറ്റവും പ്രിയപ്പെട്ടതാകാന്‍ പോകുന്ന ഒരു സിനിമയായിരിക്കും മാമാങ്കം. എം പദ്മകുമാര്‍ സംവിധാനം ചെയ്യുന്ന ഈ എപിക് ത്രില്ലര്‍ ചൈന മാര്‍ക്കറ്റിനെയും ലക്‍ഷ്യം വയ്ക്കുന്നു. മമ്മൂട്ടിയുടെ ഈ ബ്രഹ്മാണ്ഡ സിനിമ ലോകമെങ്ങും നവംബര്‍ 21ന് റിലീസാവുകയാണ്.
ചൈനക്കാര്‍ക്ക് ഏറ്റവും പ്രിയപ്പെട്ട ഇന്ത്യന്‍ താരം ആമിര്‍ഖാനാണ്. ദംഗല്‍, സീക്രട്ട് സൂപ്പര്‍സ്റ്റാര്‍ തുടങ്ങിയ ആമിര്‍ ചിത്രങ്ങള്‍ ആയിരക്കണക്കിന് കോടികള്‍ ചൈനയില്‍ നിന്ന് വാരി. അഭിമാനസംരക്ഷണത്തിനായി ജീവന്‍ നല്‍കാന്‍ തീരുമാനിച്ച ചാവേറുകളുടെ കഥ ചൈനയെ പിടിച്ചുകുലുക്കുമെന്നുറപ്പ്. അതുകൊണ്ടുതന്നെ, ചൈനയില്‍ മാമാങ്കം വിസ്മയകരമായ വിജയം നേടിയാല്‍ അത്ഭുതപ്പെടാനില്ല.
ഫര്‍സ് ഫിലിംസാണ് മാമാങ്കത്തിന്‍റെ ഓവര്‍സീസ് വിതരണാവകാശം സ്വന്തമാക്കിയിരിക്കുന്നത്. വിജയ് ചിത്രമായ ബിഗിലിനെ വെല്ലുന്ന രീതിയില്‍ ഒരു റിലീസിനാണ് മാമാങ്കം ഒരുങ്ങുന്നതെന്നാണ് സൂചന. മലയാളത്തിലെ ഏറ്റവും ചെലവേറിയ സിനിമയായ മാമാങ്കം മലയാളം, തമിഴ്, തെലുങ്ക്, ഹിന്ദി ഭാഷകളിലായി പുറത്തിറങ്ങും.
