ലൈംഗികത അധികമായി, ജൂലി തകർന്നടിഞ്ഞു; റായ് ലക്ഷ്മി പറയുന്നു

ജൂലി 2വിൽ സെക്സ് സീനുകൾ ഒന്നുമില്ല: റായ് ലക്ഷ്മി

തെന്നിന്ത്യൻ താരസുന്ദരി റായി ലക്ഷ്മി നായികയായി എത്തിയ ചിത്രമായിരുന്നു ജൂലി 2. റിലീസിനു മുന്നേ വിവാദങ്ങൾ സൃഷ്ടിച്ച ജൂലി 2 പക്ഷേ ബോക്സ്ഓഫീസിൽ വൻദുരന്തമായിരുന്നു. ലൈംഗികതയുടെ അതിപ്രസരമുള്ള സിനിമയാണ് ജൂലി 2 എന്ന തോന്നൽ പ്രേക്ഷകരിൽ ഉണ്ടായതാകാം ചിത്രത്തിന്റെ പരാജയത്തിനു കാരണമെന്ന് റായി ലക്ഷ്മി പറയുന്നു.

അതേസമയം ജൂലി2 പരാജയമാണെന്ന കാര്യം സംവിധായകന്‍ ദീപക് ശിവദാസനി തന്നെ തുറന്ന് സമ്മതിച്ചിരുന്നു. സിനിമയുടെ അണിയറയിൽ പ്രവർത്തിച്ചവർക്ക് ഇനിയും പൈസ കൊടുക്കാനുണ്ടെന്നും അത് ഉടൻ തന്നെ കൊടുത്ത് തീർക്കുമെന്നും അദ്ദേഹം പറഞ്ഞിരുന്നു. എന്നാൽ, ഇതും വിവാദത്തിനു കാരണമായി. 

ട്രെയിലറും ടീസറും കണ്ട ചില പ്രേക്ഷകര്‍ സെക്‌സ് രംഗങ്ങള്‍ പ്രതീക്ഷിച്ചാണ് തിയറ്ററുകളിലേക്കെത്തിയതെന്ന് റായ് ലക്ഷ്മി പറയുന്നു. എന്നാൽ, അങ്ങനെ പ്രതീക്ഷിച്ച് വന്നവർക്ക് തെറ്റി. അങ്ങനെയൊ‌രു സെക്സ് രംഗങ്ങൾ ഒന്നും ചിത്രത്തിലില്ലെന്നും നടി വ്യക്തമാക്കുന്നു. ആ അമിത പ്രതീക്ഷയാകാം ചിത്രത്തിന്റെ പരാജയത്തിനു കാരണം.