Jayaram and Mammootty: പ്രിയ സുഹൃത്തിനെ സഹായിക്കാന്‍ മമ്മൂട്ടി ! ജയറാമിനൊപ്പമുള്ള ചിത്രം ഉടന്‍, കുടുംബ പ്രേക്ഷകരുടെ ഇഷ്ടനായകന്‍ തിരിച്ചുവരുമോ?
മലയാളികളുടെ പ്രിയപ്പെട്ട താരമാണെങ്കിലും തുടര്‍ പരാജയങ്ങളില്‍ മുങ്ങി നില്‍ക്കുകയാണ് ജയറാം
Jayaram and Mammootty: ബോക്സ്ഓഫീസില്‍ തുടര്‍ച്ചയായി നിരാശപ്പെടുത്തുന്ന ജയറാമിന് ഒരു ബ്രേക്ക് കൊടുക്കാന്‍ മമ്മൂട്ടി. പ്രിയ സുഹൃത്തിന് തിരിച്ചുവരവൊരുക്കാന്‍ മമ്മൂട്ടി അവസരമൊരുക്കുമെന്നാണ് പുറത്തുവരുന്ന റിപ്പോര്‍ട്ടുകള്‍.
മലയാളികളുടെ പ്രിയപ്പെട്ട താരമാണെങ്കിലും തുടര്‍ പരാജയങ്ങളില്‍ മുങ്ങി നില്‍ക്കുകയാണ് ജയറാം. വലിയ പ്രതീക്ഷകളോടെ തിയറ്ററിലെത്തിയ സത്യന്‍ അന്തിക്കാട് ചിത്രം മകള്‍ പരാജയപ്പെട്ടത് ജയറാമിന് വലിയ തിരിച്ചടിയായി. അതിനിടയിലാണ് ജയറാമിന് ഒരു തിരിച്ചുവരവൊരുക്കാന്‍ മമ്മൂട്ടി ശ്രമിക്കുന്നത്.
കഴിഞ്ഞ ദിവസം ഹൈദരാബാദില്‍ വെച്ച് ജയറാം മമ്മൂട്ടിയെ കണ്ടുമുട്ടിയിരുന്നു. മമ്മൂട്ടിയ്ക്കൊപ്പം ബ്രേയ്ക്ക് ഫാസ്റ്റ് കഴിക്കുന്ന ചിത്രം ജയറാം സമൂഹമാധ്യമങ്ങളില്‍ പങ്കുവെയ്ക്കുകയും ചെയ്തിരുന്നു. ഒരു തെലുങ്ക് ചിത്രത്തിന്റെ ഷൂട്ടിങ്ങിനാണ് ജയറാം ഹൈദരബാദിലെത്തിയത്. മമ്മൂട്ടി-ജയറാം കൂടിക്കാഴ്ചയ്ക്ക് പിന്നാലെയാണ് പുതിയ സിനിമയെ പറ്റിയുള്ള വാര്‍ത്തയും പുറത്തുവന്നത്.
മുന്‍പ് നിരവധി ചിത്രങ്ങളില്‍ ഒപ്പം അഭിനയിച്ചിട്ടുണ്ടെങ്കിലും മമ്മൂട്ടിയ്ക്കൊപ്പം ഏറെകാലമായി ജയറാം അഭിനയിച്ചിട്ടില്ല. ഹൈദരാബാദില്‍ വെച്ച് ഈ കാര്യം മമ്മൂട്ടിയോട് പറഞ്ഞപ്പോള്‍ അതിനെന്താ ഉടനെ തന്നെ ഒരു സിനിമ ചെയ്യാം എന്നായിരുന്നു മറുപടി. മമ്മൂട്ടിയ്ക്കൊപ്പം തന്നെ സഹതാരത്തിന് പ്രധാന്യമുള്ള ഒരു ചിത്രം മമ്മൂട്ടിയുടെ പരിഗണനയിലുണ്ടെന്നാണ് റിപ്പോര്‍ട്ടുകള്‍. ഈ ചിത്രത്തിലേക്കായിരിക്കും ജയറാമിനെ പരിഗണിക്കുക.
