സോളോ നൂറ് കോടി ക്ലബില്‍ ദുല്‍ഖറും; മമ്മൂട്ടിക്ക് ഇപ്പോഴും ഇല്ല !
98 കോടി കളക്ട് ചെയ്ത സീതാരാമം ആയിരുന്നു ദുല്‍ഖറിന്റെ കരിയര്‍ ബെസ്റ്റ് ബോക്‌സ്ഓഫീസ് പെര്‍ഫോമന്‍സ്
സോളോ നൂറ് കോടി ക്ലബില്‍ ഇടംപിടിക്കുന്ന അഞ്ചാമത്തെ മലയാളി താരമായി ദുല്‍ഖര്‍ സല്‍മാന്‍. തെലുങ്ക് ചിത്രം ലക്കി ഭാസ്‌കറിലൂടെയാണ് ദുല്‍ഖര്‍ ഈ നേട്ടം കൈവരിച്ചത്. വെങ്കി അറ്റ്‌ലൂരി സംവിധാനം ചെയ്ത ലക്കി ഭാസ്‌കര്‍ ഒക്ടോബര്‍ 31 നാണ് തിയറ്ററുകളിലെത്തിയത്.
98 കോടി കളക്ട് ചെയ്ത സീതാരാമം ആയിരുന്നു ദുല്‍ഖറിന്റെ കരിയര്‍ ബെസ്റ്റ് ബോക്‌സ്ഓഫീസ് പെര്‍ഫോമന്‍സ്. റിലീസ് ചെയ്തു മൂന്നാം വാരത്തിലേക്ക് എത്തിയപ്പോള്‍ ആണ് ലക്കി ഭാസ്‌കര്‍ സീതാരാമത്തെ മറികടന്ന് നൂറ് കോടി ക്ലബില്‍ ഇടം പിടിച്ചത്. 100 കോടി ക്ലബില്‍ കയറുന്ന ദുല്‍ഖറിന്റെ ആദ്യ സിനിമയാണ് ലക്കി ഭാസ്‌കര്‍.
അതേസമയം മമ്മൂട്ടിക്ക് പോലുമില്ലാത്ത നേട്ടമാണ് ദുല്‍ഖര്‍ ഇപ്പോള്‍ സ്വന്തമാക്കിയിരിക്കുന്നത്. മോഹന്‍ലാല്‍, പൃഥ്വിരാജ്, ഫഹദ് ഫാസില്‍, ടൊവിനോ തോമസ്, നസ്ലന്‍ എന്നിവരാണ് ദുല്‍ഖറിനു മുന്‍പ് സോളോ നൂറ് കോടി സ്വന്തമാക്കിയ മലയാളി താരങ്ങള്‍. പുലിമുരുകന്‍, ലൂസിഫര്‍ എന്നീ സിനിമകളിലൂടെ രണ്ട് സോളോ നൂറ് കോടിയാണ് മോഹന്‍ലാലിനുള്ളത്. പൃഥ്വിരാജിന്റെ ആടുജീവിതവും ഫഹദിന്റെ ആവേശവും നൂറ് കോടി ക്ലബില്‍ ഇടം പിടിച്ചിട്ടുണ്ട്. പ്രേമലുവിലൂടെയാണ് നസ്ലന്‍ സോളോ നൂറ് കോടി അടിച്ചത്. അജയന്റെ രണ്ടാം മോഷണമാണ് ടൊവിനോയെ ഈ ക്ലബില്‍ എത്തിച്ചത്.
