അമലാപോളും ജഗത് ദേശായിയും പ്രണയിച്ചു വിവഹം കഴിച്ചവരാണ്. ഇരുവർക്കും അടുത്തിടെ ഒരു കുഞ്ഞ് ജനിച്ചിരുന്നു. മകൻ വന്ന ശേഷം ഉള്ള ആദ്യ ദീപാവലി ആണിത്. ഇത്തവണ അമലയും കുടുംബവും ദീപാവലി ആഘോഷിച്ചത് ബാലിയിൽ ആണ്. ആത്മീയ ഇടമായതിനാലാണ് ബാലി തിരഞ്ഞെടുത്തതെന്നാണ് അമല പോൾ പറയുന്നത്. ഒരുപാട് ക്ഷേത്രമുള്ള ഇടമാണ് ബാലി. അമല പോൾ ബാലിയിൽ ദീപാവലി ആഘോഷിച്ചതോടെ മതം മാറിയോ എന്ന ചോദ്യമാണ ആരാധകർ ഉയർത്തുന്നത്.
അമല വിവാഹത്തോടെ നയൻതാരയെ പോലെ ഹിന്ദുമത വിശ്വാസത്തിലേക്ക് കടന്നോ എന്നുള്ള ചോദ്യങ്ങൾ തന്നെയാണ് സോഷ്യൽ മീഡിയ ഉയർത്തിയത്. അതിനു കാരണം മറ്റൊന്നുമല്ല അമല നല്ല ഡിവോട്ടി ആയത് തന്നെയാണ്. എൻ്റെ ജന്മദിനം (ഒക്ടോബർ 26), ദീപാവലി, ഞങ്ങളുടെ വിവാഹ നിശ്ചയ വാർഷികം (നവംബർ 4) എന്നിവയെല്ലാം അടുത്തടുത്താണ്, അതിനാൽ എല്ലാം ഒറ്റയടിക്ക് ആഘോഷിക്കാൻ ബാലി അനുയോജ്യമായ സ്ഥലമായി തോന്നി എന്നാണ് കഴിഞ്ഞദിവസം ടൈംസ് ഓഫ് ഇന്ത്യയോട് അമല പറഞ്ഞത്.
ബാലിയിലെ കൾച്ചറൽ ആചാരങ്ങൾ സവിശേഷമായതിനാൽ ചില ക്ഷേത്രങ്ങൾ സന്ദർശിക്കാൻ തങ്ങൾ പദ്ധതി ഇടുന്നുണ്ടെന്നും അമല കഴിഞ്ഞദിവസം പറഞ്ഞിരുന്നു. സമൃദ്ധിക്കും ആരോഗ്യത്തിനും വേണ്ടി പഞ്ചഭൂതങ്ങളെ പൂജിക്കുന്ന ചടങ്ങുകളിൽ അമല പങ്കെടുത്ത ദൃശ്യങ്ങൾ സമൂഹ മാധ്യമങ്ങളിൽ നിറഞ്ഞിരുന്നു. ഇതോടെയാണ് അമല പോൾ മതം മാറിയോ എന്ന സംശയം ആരാധകർ ചോദിച്ചത്.
