ആശ ശരത്തും മകള്‍ ഉത്തരയും സിനിമയില്‍ സജീവമാണ്. ഇപ്പോഴിതാ മകള്‍ വലിയൊരു വിജയം നേടിയ സന്തോഷത്തിലാണ് നടി.സൗന്ദര്യ മത്സരത്തില്‍ ഉത്തര ഫസ്റ്റ് റണ്ണറപ്പായി തെരഞ്ഞെടുക്കപ്പെട്ടു.
'റാംപിലെ ആത്മവിശ്വാസത്തോടെയുള്ള അവളുടെ ചുവടുകള്‍ കാണുമ്പോള്‍ ഒരുപാട് സന്തോഷം. ജയവും തോല്‍വിയും ഉണ്ടാകും. എന്നാല്‍ മത്സങ്ങളില്‍ പങ്കാളിത്തവും അതിലൂടെ ആത്മവിശ്വാസം വളര്‍ത്തിയെടുക്കലുമാണ് പ്രധാനം എന്റെ മകളില്‍ അത് പ്രതിഫലിച്ചതില്‍ ഞാന്‍ സന്തുഷ്ടയാണ്.
ഈ സൗന്ദര്യ മത്സരത്തിലൂടെ 'ഗാര്‍ഹിക പീഡനത്തിനും കുട്ടികളെ ദുരുപയോഗം ചെയ്യുന്നതിനും നോ പറയുക' എന്ന തീം എടുത്തുകാണിക്കുകയും അതിലൂടെ ഈ സന്ദേശം പ്രചരിപ്പിക്കാന്‍ സഹായിക്കുകയും ചെയ്തു. റാംപില്‍ പങ്കെടുത്ത എല്ലാവര്‍ക്കും അഭിനന്ദനങ്ങള്‍'- ആശ ശരത്ത് കുറിച്ചു.
