'നിനക്ക് അതിന് അഭിനയിക്കാൻ അറിയാമോടി ശവമേ'; അപർണ്ണയ്‌ക്കെതിരെ വന്ന കമന്റിന് മറുപടിയുമായി അസ്‌കർ
അപർണ്ണയ്‌ക്കെതിരെ വന്ന കമന്റിന് മറുപടിയുമായി അസ്‌കർ
സോഷ്യൽ മീഡിയകളിൽ നടിമാരുടെ ചിത്രങ്ങൾക്കെതിരെ മോശം അഭിപ്രായങ്ങൾ വരുന്നത് പുതുമയല്ല. അതിനെതിരെ എത്ര ശക്തമായ പ്രതികരണങ്ങൾ നടത്തിയാലും സദാചാരഗുണ്ടകൾക്ക് അതൊന്നും ഒരു പ്രശ്‌നമല്ല. ഇപ്പോൾ സൈബർ അക്രമണത്തിന് ഇരയായിരിക്കുന്നത് അപർണ ബാലമുരളിയാണ്. എന്നാൽ ഇതിന് നടൻ അസ്‌കറും രംഗത്തെത്തിയിരിക്കുകയാണ്.
അസ്‌കറും അപർണയും പ്രധാനവേഷങ്ങളിലഭിനയിച്ച 'കാമുകി'യുടെ പ്രൊമോഷന്റെ ഭാഗമായി ലവിൽ വന്നതായിരുന്നു ഇരുവരും. ഇതിന് താഴെയായാണ് അപർണയ്‌ക്ക് നേരെ മോശം കമന്റുകൾ വന്നത്. കമന്റ് കൂടിയപ്പോൾ അതിന് മറുപടി പറയാൻ അസ്‌ക്കർ വീണ്ടും ലൈവിലെത്തി.
"മലയാളികൾക്ക് നല്ലൊരു സംസ്‌കാരമുണ്ട്. അത് കളയുന്ന രീതിയിലുള്ള കമന്റ്സ് വന്നാൽ ഇപ്പോഴത്തെ മലയാളി ആൺകുട്ടികൾക്കൊക്കെ നല്ല ദേഷ്യം വരും. അതുകൊണ്ടാണ് ഞാൻ ഇപ്പോൾ ഈ ലൈവിൽ ഒന്നുകൂടി വരാൻ കാരണം. ഒരുത്തൻ കമന്റ് ചെയ്‌തു നിനക്കൊന്നും വേറെ പണിയൊന്നും ഇല്ലേടീ, നിനക്കൊക്കെ അഭിനയിക്കാൻ അറിയാമോടീ... നമ്മൾ ഒരിക്കലും പെൺകുട്ടികളെ അധിക്ഷേപിക്കരുത്. അറിയാത ഒരു പെണ്ണിനെ കേറി ഡീ എന്ന് വിളിക്കരുത്. മറുപടിക്ക് പകരം ഇപ്പോഴത്തെ ആൺപിള്ളാര് രണ്ടെണ്ണം പൊട്ടിക്കുകയാണ് പതിവ്. നിനക്ക് അഭിനയിക്കാൻ അറിയാമോടി ശവമേ എന്നതാണ് മറ്റൊരു കമന്റ്. ഇതിനും ചുട്ടമറുപടി നൽകാനും അസ്‌കർ മറന്നില്ല.
