2014 ല്‍ പുറത്തിറങ്ങിയ തമിഴ് ചിത്രമായിരുന്നു 'പിശാസ്'. മൈസ്‌കിന്റെ സംവിധാനത്തില്‍ പിറന്ന ഈ ബ്ലോക്ക്ബസ്റ്റര്‍ ചിത്രത്തിന്റെ രണ്ടാം ഭാഗം ഒരുങ്ങുകയാണ്.ഷൂട്ടിംഗ് ഡിസംബറില്‍ ആരംഭിക്കുകയും ജനുവരിയില്‍ ആന്‍ഡ്രിയ സെറ്റുകളില്‍ ചേരുകയും ചെയ്തിരുന്നു. എന്നാല്‍ നിലവിലെ സാഹചര്യത്തില്‍ ചിത്രീകരണം നിര്‍ത്തിവെച്ചിരിക്കുകയാണ്. തമിഴ്‌നാട് സര്‍ക്കാര്‍ നിയന്ത്രണങ്ങള്‍ നീക്കിയാല്‍ ഉടന്‍ ചിത്രീകരണം ആരംഭിക്കാന്‍ ഉള്ള ഒരുക്കങ്ങള്‍ തുടങ്ങി.
നേരത്തെ സിനിമയിലുള്ള തന്റെ രൂപം നടി വെളിപ്പെടുത്തിയിരുന്നു. മുത്തശ്ശിയുടെ പഴയ ഫോട്ടോയില്‍ നിന്ന് പ്രചോദനം ഉള്‍ക്കൊണ്ടായായിയുന്നു തനിക്ക് ഇങ്ങനെ ഒരു ലുക്ക് ആന്‍ഡ്രിയ നല്‍കിയതെന്നും പറഞ്ഞു.കാര്‍ത്തിക് രാജയാണ് സംഗീതം ഒരുക്കുന്നത്. ഒരാഴ്ചയ്ക്കുള്ളില്‍ ഷൂട്ടിംഗ് പുനരാരംഭിക്കുമെന്നാണ് പറയപ്പെടുന്നത്.
