പൃഥ്വിരാജിന്റെ 'ഉറുമി'യ്ക്ക് 11 വയസ്സ്. 2011 മാര്‍ച്ച് 31ന് തിയേറ്ററുകളിലെത്തിയ സിനിമയുടെ 11-ാം വാര്‍ഷികം ആഘോഷിക്കുകയാണ് നിര്‍മ്മാതാക്കള്‍. സിനിമയില്‍ തനിക്കു പ്രിയപ്പെട്ടതെന്നു തോന്നുന്ന ഓരോ രംഗങ്ങളും കോര്‍ത്തിണക്കിക്കൊണ്ട് സംഗീതസംവിധായകന്‍ ദീപക് ദേവ് സന്തോഷം പങ്കുവെച്ചു.
ഉറുമിയുടെ 11 വര്‍ഷങ്ങള്‍ പിന്നിട്ടത് വളരെ വേഗത്തില്‍ ആയെന്ന് തോന്നലാണ് ദീപക് ദേവ്. ഇന്നലെ കഴിഞ്ഞ പോലെ തോന്നുന്നു എന്നാണ് അദ്ദേഹം കുറിച്ചത്. ദീപക് ദേവ് തന്നെയാണ് ചിത്രത്തിന് സംഗീതം ഒരുക്കിയത്.
സന്തോഷ് ശിവന്‍ രണ്ടാമതായി സംവിധാനം ചെയ്ത ചിത്രം കൂടിയായിരുന്നു ഇത്.ചിത്രത്തിന്റെ ഛായാഗ്രഹണവും അദ്ദേഹം തന്നെയാണ് നിര്‍വഹിച്ചത്. അനന്തഭദ്രം എന്ന പ്രിഥ്വിരാജ് ചിത്രമാണ് അദ്ദേഹം ആദ്യമായി സംവിധാനം ചെയ്തത്. 'ഉറുമി'യ്ക്ക് ശങ്കര്‍ രാമകൃഷ്ണന്‍ രചന നിര്‍വഹിച്ചു.പൃഥ്വിരാജിന്റെ സിനിമാനിര്‍മ്മാണ കമ്പനിയായ ആഗസ്റ്റ് സിനിമാസാണ് ഈ ചിത്രം നിര്‍മ്മിച്ചത്. സന്തോഷ് ശിവനും, ഷാജി നടേശനും നിര്‍മ്മാണ പങ്കാളികളാണ്.
