കരിയറില്‍ പുതിയ ഉയരങ്ങള്‍ തേടിയുള്ള യാത്രയിലാണ് നടി അനശ്വര രാജന്‍. സോഷ്യല്‍ മീഡിയയില്‍ സജീവമായ നടി നിരവധി ഫോട്ടോഷൂട്ടുകള്‍ നടത്താറുണ്ട്. സാരിയുടുത്തുള്ള നടിയുടെ ഫോട്ടോഷൂട്ട് ചിത്രങ്ങളും വീഡിയോയും ശ്രദ്ധ നേടുകയാണ്. വലിയ ബോര്‍ഡറുള്ള ചാര നിറത്തിലുള്ള സാരിയിലാണ് നടി പ്രത്യക്ഷപ്പെട്ടിരിക്കുന്നത്. കറുത്ത നിറത്തിലുള്ള ബ്ലൗസ് ആണ് ധരിച്ചിരിക്കുന്നത്.
സഹോദരി ഐശ്വര്യ രാജന്‍ ആണ് ചിത്രങ്ങള്‍ പകര്‍ത്തിയത്. ദിവസവും സാരി ഉടുക്കാനുള്ള സ്ത്രീസഹജമായ വാസന എന്ന് എഴുതി കൊണ്ടാണ് അനശ്വര ചിത്രങ്ങള്‍ പങ്കുവെച്ചത്.
'ഇതെപ്പോഴാ പൊക്കിയത്. ഇവളെ പേടിച്ച് സാരിയൊന്നും കാണുന്നിടത്ത് വെയ്ക്കാന്‍ പറ്റാതെയായല്ലോ'എന്നായിരുന്നു നടിയുടെ അമ്മ ഉഷ രാജന്റെ കമന്റ്.
