2017 മമ്മൂട്ടിയുടെ വർഷം!
2017ൽ മമ്മൂട്ടി പൊളിക്കും!
2016ൽ മൂന്ന് ചിത്രങ്ങളാണ് മെഗാസ്റ്റാർ മമ്മൂട്ടിയുടേതായി റിലീസ് ചെയ്തത്. മൂന്നും കാര്യമായ രീതിയിൽ വിജയം കണ്ടതുമില്ല. എന്നാൽ, 2017ൽ മമ്മൂട്ടിയുടെ വർഷമായിരിക്കുമെന്ന കാര്യത്തിൽ സംശയമില്ല. താരത്തിന്റേതായി ഇറങ്ങാനുള്ളത് ഒന്നും രണ്ടുമല്ല, അഞ്ച് ചിത്രങ്ങളാണ് അണിയറയിൽ ഒരുങ്ങുന്നത്.
ഹനീഫ് അദേനി സംവിധാനം ചെയ്യുന്ന മമ്മൂട്ടി ചിത്രം ഗ്രേറ്റ് ഫാദര്‍ ആണ് ആദ്യം റിലീസ് ചെയ്യുക. മാര്‍ച്ച് 30ന് ചിത്രം തിയേറ്ററുകളില്‍ പ്രദര്‍ശനത്തിനെത്തും. തെന്നിന്ത്യന്‍ നടി സ്‌നേഹയാണ് ചിത്രത്തിലെ നായിക. രഞ്ജിത് സംവിധാനം ചെയ്യുന്ന പുത്തൻപണമാണ് മമ്മൂട്ടിയുടേതായി ഇറങ്ങാനുള്ള അടുത്ത ചിത്രം.
ദേശീയ അവാര്‍ഡ് ജേതാവായ റാം സംവിധാനം ചെയ്യുന്ന മമ്മൂട്ടി ചിത്രം പെരന്‍പിന്റെയും റിലീസ് ഡേറ്റ് ഉടന്‍ തീരുമാനിക്കും. ശ്യാംധര്‍ സംവിധാനം ചെയ്യുന്ന ചിത്രത്തിലാണ് മമ്മൂട്ടി ഇപ്പോൾ അഭിനയിച്ചു കൊണ്ടിരിയ്ക്കുന്നത്.
അടുത്തത് പ്രശസ്ത ഛായഗ്രഹകന്റെ ആദ്യത്തെ സംവിധാന സംരംഭത്തിലും മമ്മൂട്ടി തന്നെയാണ് നായകൻ. സ്ട്രീറ്റ്‌ലൈറ്റ്‌സ് എന്നാണ് ചിത്രത്തിന് പേരിട്ടിരിക്കുന്നത്. മമ്മൂട്ടിയുടെ ഉടമസ്ഥതയിലുള്ള 'പ്ലേഹൗസ് പിക്‌ചേഴ്‌സിന്റെ' ബാനറില്‍ നിര്‍മ്മിക്കുന്ന സിനിമയുടെ ചിത്രീകരണം ഈ മാസം 24ന് ആരംഭിക്കും.
