പീറ്റർ ഹെയ്ൻ സംവിധാനം ചെയ്യുന്ന ബിഗ് ബജറ്റ് ആക്ഷൻ ചിത്രത്തിൽ മോഹൻലാൽ!
കിടിലൻ ആക്ഷനുമായി മോഹൻലാൽ, സംവിധാനം - പീറ്റർ ഹെയ്ൻ
മോഹൻലാലിനെ നായകനാക്കി വൈശാഖ് സംവിധാനം ചെയ്ത പുലിമുരുകനിലൂടെയാണ് പീറ്റർ ഹെയ്ൻ എന്ന ആക്ഷൻ കൊറിയോഗ്രഫറെ മലയാളികൾ കൂടുതൽ അറിയുന്ന‌ത്. അന്യഭാഷകളിൽ മാത്രം കണ്ടിരുന്ന ആക്ഷൻ സീക്വൻസുകൾ മലയാളികൾക്കും പരിചിതമാക്കിയ കൊറിയോഗ്രഫറാണ് പീറ്റർ ഹെയ്ൻ.
മോഹൻലാൽ ആരാധകരെ ഇളക്കിമറിക്കുന്ന റിപ്പോർട്ടുകൾ ആണ് ഇപ്പോൾ പുറത്തുവരുന്നത്. പീറ്റര്‍ ഹെയന്‍ മോഹന്‍ലാലിനെ നായകനാക്കി സിനിമ സംവിധാനം ചെയ്യാന്‍ ഒരുങ്ങുന്നു. മനോരമ ചാനലിന് നല്‍കിയ അഭിമുഖത്തിലാണ് മോഹന്‍ലാലിനെ നായകനാക്കി ചലച്ചിത്രം സംവിധാനം ചെയ്യാന്‍ പോകുന്ന വിവരം പീറ്റര്‍ ഹെയ്ന്‍ വെളിപ്പെടുത്തിയത്.
ബഹുഭാഷയിൽ നിർമിക്കുന്ന ചിത്രം ആക്ഷനായിരിക്കും പ്രാധാന്യം നൽകുക. രാജ്യത്തെ പ്രമുഖ സാങ്കേതിക വിദഗ്ധർ ആയിരിക്കും ചിത്രത്തിന്റെ അണിയറ പ്രവർത്തകർ. ബാഹുബലി, ഏഴാം അറിവ്, രാവണന്‍, ഗജിനി എന്നി ബ്ലോക്ക്ബസ്റ്റര്‍ ചിത്രങ്ങളുടെ അണിയറയില്‍ പ്രവര്‍ത്തിച്ചയാളാണ് പീറ്റർ ഹെയ്ൻ.
