ചെന്നൈ: ആദ്യ രാത്രിയിൽ നവവധുവിനെ കമ്പിപ്പാരകൊണ്ട് കൊലപ്പെടുത്തി ഭർത്താവ് ആത്മഹത്യ ചെയ്തു. ചെന്നൈയ്ക്ക് സമീപം മിഞ്ചൂരിൽ ബുധനാഴ്ച രാത്രിയാണ് സംഭവം ഉണ്ടായത്. 20 കാരിയായ സന്ധ്യയെ കൊലപ്പെടുത്തിയെ ശേഷം നീതിവാസൻ (24) തൂങ്ങിമരിയ്ക്കുകയായിരുന്നു. ബുധനാഴ്ചയാണ് ബന്ധുക്കൾകൂടിയായ ഇരുവരും തമ്മീൽ വിവാഹം നടന്നത്. ചടങ്ങിനുശേഷം നവദമ്പതികൾ വീട്ടിലേയ്ക്ക് പോയി.
രാത്രിയിൽ കിടപ്പുമുറിയിൽനിന്നും സന്ധ്യയുടെ കരച്ചിൽ കേട്ട് ആളുകൾ ഓടിക്കൂടിയതോടെയാണ് ചോരയിൽകുളിച്ചുകിടക്കുന്ന സന്ധ്യയെ കണ്ടത്. സമീപത്ത് തന്നെ ഒരു കമ്പിപ്പാര കിടന്നിരുന്നു. ഭർത്താവ് നീതിവാസൻ മുറിയിൽ ഉണ്ടായിരുന്നില്ല. ഇതോടെ വീട്ടുകാർ പൊലീസിൽ വുവരമറിയിച്ചു. തുടർന്ന് നടത്തിയ തിരച്ചിൽ പ്രദേശത്തെ മരത്തിൽ തൂങ്ങിമരിച്ച നിലയിൽ നീതിവാസനെ കണ്ടെത്തുകയായീരുന്നു. കൊലപാതകത്തിന് പിന്നിലെ കാരണം വ്യക്തമായിട്ടില്ല.
