കൂട്ടബലാത്സംഗത്തിനിരയായി വഴിയിൽ കിടന്ന പെണ്‍കുട്ടിയെ വീണ്ടും പീഡിപ്പിച്ചു - സംഭവം യുപിയില്‍
കാന്‍സര്‍ രോഗിയായ പതിനാലുകാരി യു.പിയില്‍ ക്രൂരമായി പീഡിപ്പിക്കപ്പെട്ടു
പതിനാലുകാരി ക്രൂരപീഡനത്തിനിരയായി. ഉത്തര്‍ പ്രദേശിന്റെ തലസ്ഥാന നഗരിയിലാണ് കാന്‍സര്‍ രോഗിയായ പെണ്‍കുട്ടി ആറു മണിക്കൂറിനുള്ളില്‍ രണ്ടു തവണ പീഡനത്തിനിരയായത്. കടയില്‍ സാധനങ്ങള്‍ വാങ്ങാന്‍ പോയ പെണ്‍കുട്ടിയെ രണ്ട് പേര്‍ ചേര്‍ന്ന് കൂട്ടികൊണ്ട് പോയി പീഡിപ്പിച്ച ശേഷം തെരുവില്‍ ഉപേക്ഷിച്ചു.
സഹായ അഭ്യര്‍ത്ഥനയുമായി അയല്‍ വാസിയെ സമീപിച്ചപ്പോള്‍ അയാളും പീഡിപ്പിച്ചതായാണ് പെണ്‍കുട്ടി വെളിപ്പെടുത്തിയത്. ശനിയാഴ്ച വൈകുന്നേരമാണ് സംഭവം.ലഖ്നൊവിലെ സരോജിനി നഗര്‍ സ്വദേശിയായ പെണ്‍കുട്ടി ബ്ലഡ് ക്യാന്‍സറിന് ചികിത്സ തേടി വരികയായിരുന്നുവെന്ന് പൊലീസ് അറിയിച്ചു.
സംഭവത്തില്‍ കേസെടുത്ത പൊലീസ് അന്വേഷണം ആരംഭിച്ചു. കുറ്റവാളികളായ രണ്ടുപേരില്‍ ഒരാള്‍ അറസ്റ്റിലായിട്ടുണ്ട്. രണ്ടാമന്‍ ഒളിവില്‍ പോയതായാണ് പൊലീസിന് ലഭിച്ചിട്ടുള്ള വിവരം.
അര്‍ദ്ധരാത്രിയില്‍ റോഡില്‍ക്കൂടെ പെണ്‍കുട്ടി നടക്കുന്നത് ശ്രദ്ധയില്‍പ്പെട്ട നാട്ടുകാർ പൊലീസില്‍ വിവരമറിയിക്കുകയായിരുന്നു. തുടര്‍ന്ന് പൊലീസ് എത്തിയാണ് പെണ്‍കുട്ടിയെ ആശുപത്രിയിൽ പ്രവേശിപ്പിച്ചത്.
ഹരിയാനയില്‍ അഞ്ച് വയസുകാരിയെ പീഡിപ്പിച്ച് കൊലപ്പെടുത്തിയ സംഭവവും ശനിയാഴ്ചയാണ് റിപ്പോര്‍ട്ട് ചെയ്തത്. സ്വകാര്യ ഭാഗത്ത് മരക്കമ്പ് കയറ്റിയ നിലയിലായിരുന്നു കുട്ടിയെ കണ്ടെത്തിയത്.
