ലോകകപ്പ് സെമി ഫൈനലില്‍ ഇന്ത്യക്ക് ആദ്യ വിക്കറ്റ് നഷ്ടം. നായകന്‍ രോഹിത് ശര്‍മയെയാണ് ഇന്ത്യക്ക് നഷ്ടമായത്. 29 പന്തില്‍ നാല് ഫോറും നാല് സിക്‌സും സഹിതം 47 റണ്‍സെടുത്താണ് രോഹിത് മടങ്ങിയത്. ടിം സൗത്തിയുടെ പന്തില്‍ നായകന്‍ കെയ്ന്‍ വില്യംസണ്‍ മനോഹരമായ ക്യാച്ചിലൂടെ രോഹിത്തിനെ പുറത്താക്കുകയായിരുന്നു. തുടക്കം മുതല്‍ കിവീസ് ബൗളറെ ആക്രമിച്ചു കളിക്കുകയായിരുന്നു രോഹിത്.
ഏറ്റവും ഒടുവില്‍ റിപ്പോര്‍ട്ട് ലഭിക്കുമ്പോള്‍ ഇന്ത്യ 11 ഓവറില്‍ ഒരു വിക്കറ്റ് നഷ്ടത്തില്‍ 89 റണ്‍സ് നേടിയിട്ടുണ്ട്.
