അഫ്ഗാനിസ്ഥാനെതിരായ സന്നാഹമത്സരത്തില്‍ തകര്‍ത്തടിച്ച് ശ്രീലങ്ക. ടോസ് നഷ്ടപ്പെട്ട് ബാറ്റിംഗിനിറങ്ങിയ ശ്രീലങ്കയ്ക്ക് തുടക്കത്തില്‍ തന്നെ ഓപ്പണര്‍ ദിമുത് കരുണരത്‌നെയെയും ടീം സ്‌കോര്‍ 82ല്‍ നില്‍ക്കെ പതും നിസങ്കയെയും നഷ്ടമായെങ്കിലും നാലാം വിക്കറ്റില്‍ ഒത്തുചേര്‍ന്ന കുശാല്‍ മെന്‍ഡിസ് സമരവിക്രമ സഖ്യം ടീമിനെ മികച്ച നിലയിലെത്തിക്കുകയായിരുന്നു. മത്സരം 32 ഓവര്‍ പിന്നിടുമ്പോള്‍ 251 റണ്‍സിന് 2 വിക്കറ്റ് എന്ന നിലയിലാണ് ശ്രീലങ്ക.
57 പന്തില്‍ 158 റണ്‍സുമായി തകര്‍ത്തടിച്ച കുശാല്‍ മെന്‍ഡിസാണ് ശ്രീലങ്കയെ തകര്‍പ്പന്‍ സ്‌കോറിലെത്തിച്ചത്. 19 ഫോറുകളും 9 സിക്‌സുകളും അടങ്ങുന്നതാണ് താരത്തിന്റെ പ്രകടനം. 59 പന്തിലാണ് മത്സരത്തില്‍ താരം തന്റെ സെഞ്ചുറി പൂര്‍ത്തിയാക്കിയത്. 84 പന്തിൽ താരം 150 റൺസെടുക്കുകയും ചെയ്തു. ഒരു ഘട്ടത്തില്‍ അനായാസമായി താരം ഇരട്ടസെഞ്ചുറി നേടുമെന്ന് കരുതിയെങ്കിലും ക്ഷീണിതനായതിനെ തുടര്‍ന്ന് താരം റിട്ടയേറ്റ്ഡ് ഹര്‍ട്ടാകാന്‍ തീരുമാനിക്കുകയായിരുന്നു.
