ഐപിഎല്ലിൽ രാജസ്ഥാൻ റോയൽസുമായി പരാജയപ്പെട്ടതിൽ തനിക്കെതിരെ ഉയർന്ന് വരാൻ സാധ്യതയുള്ള വിമർശനങ്ങളെ കാര്യമാക്കുന്നില്ലെന്ന് കൊൽക്കത്ത നൈറ്റ് റൈഡേഴ്സ് നായകൻ നിതീഷ് റാണ. മത്സരത്തിൽ കൊൽക്കത്ത ഉയർത്തിയ 150 റൺസ് വിജയലക്ഷ്യം പിന്തുടരാനെത്തിയ രാജസ്ഥാനെതിരെ നിതീഷ് റാണയായിരുന്നു ആദ്യ ഓവർ എറിയാനെത്തിയത്. ഈ ഓവറിൽ നിന്ന് മാത്രം 26 റൺസ് ജയ്സ്വാൾ അടിച്ചെടുത്തിരുന്നു.
ജയ്സ്വാളിൻ്റെ ഇന്നിങ്ങ്സ് പ്രശംസനീയമായിരുന്നു. ഞങ്ങൾ ബാറ്റിംഗിൽ ഒരുപാട് പിഴവുകൾ വരുത്തി. അതാണ് 2 പോയിൻ്റ് നഷ്ടമാകാൻ കാരണമായത്. ഒരു പാർട്ട് ടൈം ബൗളറെന്ന നിലയിൽ ഫോമിലുള്ള ജയ്സ്വാളിനെ പുറത്താക്കാൻ സാധിക്കും എന്ന വിശ്വാസത്തിലാണ് മത്സരത്തിലെ ആദ്യ ഓവർ ഞാൻ ബൗൾ ചെയ്യാൻ തീരുമാനിച്ചത്. പക്ഷേ ഇത് അദ്ദേഹത്തിൻ്റെ ദിവസമായിരുന്നു. എന്നാൽ അത്തരമൊരു തീരുമാനമെടുത്തതിൽ ഖേദിക്കുന്നില്ലെന്നും നിതീഷ് റാണ കൂട്ടിചേർത്തു.
