ന്യൂസിലന്‍ഡിനെതിരായ ട്വന്റി20 പരമ്പര ഇന്ത്യയ്ക്ക്. മൂന്ന് മത്സരങ്ങളുടെ പരമ്പര ഇന്ത്യ 2-0 ത്തിന് സ്വന്തമാക്കി. പരമ്പരയില്‍ ശേഷിക്കുന്ന ഒരു മത്സരം മറ്റന്നാള്‍ നടക്കും. രണ്ടാം ട്വന്റി20 മത്സരത്തില്‍ ഏഴ് വിക്കറ്റിനാണ് ഇന്ത്യയുടെ ജയം.
ആദ്യം ബാറ്റ് ചെയ്ത ന്യൂസിലന്‍ഡ് നിശ്ചിത 20 ഓവറില്‍ ആറ് വിക്കറ്റ് നഷ്ടത്തില്‍ 153 റണ്‍സ് നേടിയപ്പോള്‍ 17.2 ഓവറില്‍ മൂന്ന് വിക്കറ്റ് മാത്രം നഷ്ടപ്പെടുത്തി ഇന്ത്യ അത് മറികടന്നു. ഓപ്പണര്‍മാരായ കെ.എല്‍.രാഹുലും രോഹിത് ശര്‍മയും ചേര്‍ന്ന് ഒന്നാം വിക്കറ്റില്‍ 117 റണ്‍സ് നേടി. രാഹുല്‍ ആറ് ഫോറും രണ്ട് സിക്‌സും സഹിതം 49 പന്തില്‍ 65 റണ്‍സ് നേടി. രോഹിത് അഞ്ച് സിക്‌സും ഒരു ഫോറും സഹിതം 36 പന്തില്‍ 55 റണ്‍സ് നേടി. വെങ്കടേഷ് അയ്യര്‍, റിഷഭ് പന്ത് എന്നിവര്‍ 12 റണ്‍സുമായി പുറത്താകാതെ നിന്നു.
