ബംഗ്ലാദേശുമായുള്ള മത്സരത്തിനിടെ പുറത്തായതില്‍ അതൃപ്തി രേഖപ്പെടുത്തി സ്റ്റമ്പുകള്‍ തെറിപ്പിക്കുകയും അമ്പയറോട് കയര്‍ക്കുകയും ചെയ്ത ഇന്ത്യന്‍ വനിതാ ടീം ക്യാപ്റ്റന്‍ ഹര്‍മ്മന്‍ പ്രീതിന് ഏഷ്യന്‍ ഗെയിംസിലെ 2 മത്സരങ്ങള്‍ നഷ്ടമാകുമെന്ന് റിപ്പോര്‍ട്ട്. ഇന്ത്യയും ബംഗ്ലാദേശും തമ്മിലുള്ള മൂന്നാം ഏകദിനത്തിലെ സംഭവങ്ങള്‍ കാരണം ഇന്ത്യയ്ക്ക് 4 ഡീമെറിറ്റ് പോയന്റുകള്‍ ലഭിച്ചിരുന്നു.
അതേസമയം മത്സരശേഷം നടന്ന സമ്മാനദാനത്തിനിടെയിലും മോശം അമ്പയറിങ്ങിനെ പറ്റി ഹര്‍മ്മന്‍ പ്രീത് പരാമര്‍ശം നടത്തിയിരുന്നു. ഇതോടെ ഐസിസി താരത്തിനെതിരെ കര്‍ശനമായ നടപടികളുമായി മുന്നോട്ട് പോകുമെന്ന് ഉറപ്പായിരിക്കുകയാണ്.
