ഇന്ത്യ-ഇംഗ്ലണ്ട് ടെസ്റ്റ് പരമ്പര അടുത്തമാസം ആരംഭിക്കാനിരിക്കെ ഇന്ത്യയ്‌ക്ക് മുന്നറിയിപ്പുമായി ശ്രീലങ്കൻ ഇതിഹാസതാരം മഹേള ജയവർധനെ. ഇംഗ്ലണ്ട് നല്ല തയ്യാറെടുപ്പോടെയാണ് ഇന്ത്യയിലേക്കു വരുന്നതെന്നും അവരെ വിരാട് കോഹ്‌ലിയും സംഘവും ഭയപ്പെടേണ്ടതുണ്ടെന്നും മഹേള പറഞ്ഞു.
ഇന്ത്യ- ഇംഗ്ലണ്ട് ടെസ്റ്റ് പരമ്പര വളരെ ആവേശകരമായിരിക്കുമെന്നാണ് ഞാന്‍ കരുതുന്നത്. ഇന്ത്യക്കു ശക്തമായ വെല്ലുവിളി തന്നെ ഇംഗ്ലണ്ടില്‍ നിന്നു പ്രതീക്ഷിക്കാം. ബെൻ സ്റ്റോക്‌സ് തിരിച്ചെത്തിയതോടെ കൂടുതൽ കരുത്തരായാണ് ഇംഗ്ലണ്ടിന്റെ വരവ്. കൂടാതെ ജോഫ്ര ആർച്ചർ കൂടി എത്തുന്നതോടെ ടീം കൂടുതൽ ശക്തമാകും. ജയവർധനെ പറഞ്ഞു.
അതേസമയം ശ്രീലങ്കയ്ക്കെതിരെ നടന്ന ടെസ്റ്റ് പരമ്പര സ്വന്തമാക്കി മികച്ച ഫോമിലാണ് ഇംഗ്ലണ്ട്. ഏറെ കാലമായി കാര്യമായ നേട്ടങ്ങൾ സ്വന്തമാക്കാൻ സാധക്കാതിരുന്ന ജോ റൂട്ട് ഫോമിൽ തിരിച്ചെത്തിയതും ഇംഗ്ലണ്ടിന് സാധ്യതകൾ നൽകുന്നുണ്ട്.
