സീരിയലുകളിലൂടെയും സിനിമകളിലൂടെയും മലയാളികളുടെ മനസ് കവർന്ന താരമാണ് വീണാ നായർ. എന്നാൽ കുറച്ചുനാളുകളായി വീണയുടെ വിവാഹജീവിതത്തിലെ താളപ്പിഴകളാണ് സമൂഹമാധ്യമങ്ങളിൽ സംസാരം വിഷയം. താരം വിവാഹമോചിതയാകുമെന്ന വാർത്തകൾ വന്നിരുന്നെങ്കിലും എല്ലാ കുടുംബങ്ങളിലുമുള്ള ചെറിയ പ്രശ്നങ്ങളാണ് തങ്ങൾക്കിടയിലുള്ളതെന്ന് വീണാ നായർ വ്യക്തമാക്കിയിരുന്നു.
ഇപ്പോഴിതാ ഈ വിഷയത്തിൽ തൻ്റെ നിലപാട് വ്യക്തമാക്കിയിരിക്കുകയാണ് വീണയുടെ ഭർത്താവും ആർ ജെയുമായ അമൻ. തങ്ങൾ വേർപിരിഞ്ഞുവെന്നും എന്നാൽ മകന് വേണ്ടി ഡിവോഴ്സ് ആയിട്ടില്ലെന്നും അമൻ തൻ്റെ ഇൻസ്റ്റഗ്രാമിൽ കുറിച്ചു. അവസാന ഭാഗം വീണ്ടും വായിച്ചുനോക്കാതെ ജീവിതത്തിൻ്റെ അടുത്തഘട്ടം തുടങ്ങാനാവില്ല.
വിവാഹമോചനത്തെപറ്റിയുള്ള ഗോസിപ്പുകൾ പ്രചരിച്ചുകൊണ്ടിരിക്കെ ഇക്കാര്യത്തിൽ വ്യക്തത വരുത്തേണ്ടതുണ്ട്. മറ്റ് പല കഥകളും ഉണ്ടാകുന്നതിനിടെയിൽ വിശദീകരണം ആവശ്യമാണ്. ഞങ്ങൾ വേർപിരിഞ്ഞു. പക്ഷേ മകന് വേണ്ടി വിവാഹമോചിതരായിട്ടില്ല. അച്ഛൻ എന്ന നിലയിലുള്ള ഉത്തരവാദിത്തത്തിൽ നിന്നും ഒളിച്ചോടാൻ ഞാൻ ആഗ്രഹിക്കുന്നില്ല. അവന് വേണ്ടി എപ്പോഴും ഞാൻ ഉണ്ടാകും.
ഈ അവസ്ഥയിലൂടെ കടന്നുപോകുന്നത് ബുദ്ധിമുട്ടേറിയ കാര്യമാണ്. ജീവിതം ചിലപ്പോഴൊക്കെ അങ്ങനെയാണ്. നമ്മൾ ശക്തമായി നിലകൊണ്ടെ പറ്റുകയുള്ളു. കുടുംബാംഗങ്ങളും സുഹൃത്തുക്കളും സാഹചര്യം മനസിലാക്കി പിന്തുണയ്ക്കണം. അമൻ കുറിച്ചു.
