2012ല്‍ സംവിധായകന്‍ പാണ്ടിരാജിന്റെ 'മറീന' എന്ന ചിത്രത്തിലൂടെ സിനിമയില്‍ അരങ്ങേറ്റം കുറിച്ച നടനാണ് ശിവകാര്‍ത്തികേയന്‍. 10 വര്‍ഷത്തെ സിനിമ ജീവിതത്തില്‍ പങ്കാളികളായ എല്ലാവര്‍ക്കും നന്ദി പറഞ്ഞുകൊണ്ട് നടന്‍ രംഗത്തെത്തി.
ശിവകാര്‍ത്തികേയന്റെ വാക്കുകള്‍
പ്രതീക്ഷയില്ലാതെയാണ് ഈ യാത്ര തുടങ്ങിയത്. ഇന്ന് നിങ്ങളുടെ ഹൃദയങ്ങളിലും വീടുകളിലും നിങ്ങള്‍ എനിക്ക് നല്‍കിയ സ്ഥാനം ഒരിക്കലും പ്രതീക്ഷിക്കാത്ത സത്യമാണ്. ഈ സുപ്രധാന ഘട്ടത്തില്‍, എനിക്ക് ആദ്യമായി അഭിനയിക്കാന്‍ അവസരം തന്നതിന് സംവിധായകന്‍ പാണ്ടിരാജ് സാറിന് നന്ദി, എന്റെ പ്രോജക്റ്റുകള്‍ക്ക് രൂപം നല്‍കിയ എന്റെ മികച്ച നിര്‍മ്മാതാക്കള്‍, ഈ യാത്രയില്‍ എന്നോടൊപ്പം നിന്ന എന്റെ സംവിധായകര്‍, അവരുടെ കഴിവുകളിലൂടെ എന്നെയും തിളങ്ങാന്‍ അനുവദിച്ച എന്റെ കഴിവുള്ള സഹപ്രവര്‍ത്തകര്‍, എന്റെ എല്ലാ സിനിമകളിലും പ്രവര്‍ത്തിച്ചിട്ടുള്ള എല്ലാ സാങ്കേതിക വിദഗ്ധരും ജീവനക്കാരും, വിതരണക്കാരും, തിയേറ്റര്‍ ഉടമകളും, പ്രസ്സ്-ടെലിവിഷന്‍-ഓണ്‍ലൈന്‍ മാധ്യമങ്ങളിലെ സുഹൃത്തുക്കളും എല്ലാ സിനിമാ ആരാധകരും.
