ഓപ്പറേഷന്‍ ജാവ പുറത്തിറങ്ങിയപ്പോള്‍ ചിത്രത്തിലെ തഗ് അമ്മച്ചിയെ സിനിമ പ്രേമികള്‍ നെഞ്ചിലേറ്റിരുന്നു. ആ സിനിമയിലെ സൗഹൃദമാണ് നടി സ്മിനുവിനെ സൗദി വെള്ളക്കയിലേക്ക് എത്തിച്ചത്.ജാവ കഴിഞ്ഞപ്പോള്‍ തന്നെ സ്മിനുവിനോട് സംവിധായകന്‍ തരുണ്‍ ഒരു വാക്ക് കൊടുത്തിരുന്നു.
സൗദി വെള്ളക്ക ടീമിന്റെ കുറിപ്പ് വായിക്കാം
ഓപ്പറേഷന്‍ ജാവയിലെ തഗ് അമ്മച്ചി ഒരുപാട് ചര്‍ച്ച ചെയ്യപ്പെട്ട ഒന്നാണ്, ആ വേഷം ചെയ്യാന്‍ എത്തിയപ്പോള്‍ മുതല്‍ ഉള്ള സൗഹൃദമാണ് സ്മിനുവും തരുണും തമ്മിലുള്ളത്.
ജാവ കഴിഞ്ഞപ്പോള്‍ തന്നെ സ്മിനുവിനോട് തരുണ്‍ പറഞ്ഞത് 'സ്‌ക്രീനില്‍ ഞെട്ടിക്കാന്‍ അമ്മ അല്ലാതെ മറ്റൊരു വേഷത്തിലേക്ക് ഞാന്‍ വിളിക്കും. ഞാനായിട്ട് ടൈപ്പ് കാസ്റ്റ് ചെയ്യുന്നില്ല' എന്നാണ്... അന്ന് കൊടുത്ത വാക്കാണ് സൗദി വെള്ളക്കയിലെ ഹെഡ്മിസ്ട്രസിനെ സ്മിനുവിലേക്ക് എത്തിച്ചത്.
കഥകേട്ട് ഷൂട്ടിംഗിന് ലൊക്കേഷനില്‍ എത്തിയ സ്മിനു തരുണിന് തന്നിലുള്ള വിശ്വാസത്തെ ഊട്ടിയുറപ്പിക്കും വിധം കഥാപാത്രത്തെ മനോഹരമാക്കി... അസാധ്യ ടൈമിംഗ് ഉള്ള, അനുഭവങ്ങള്‍ ഉള്ള കലാകാരിയാണ് താനെന്ന് സാക്ഷ്യപ്പെടുത്തുന്ന പെര്‍ഫോര്‍മന്‍സുകള്‍ കൊണ്ട് ടീമിനെ ഒന്നാകെ കൈയ്യിലെടുത്താണ് അവര്‍ മടങ്ങിയത്.
ഞങ്ങള്‍ക്ക് ഒരു ചേച്ചിയാണ്, അമ്മയാണ്..
എന്തിനും ഏതിനും കൂട്ടത്തില്‍ നിന്ന കളിച്ചും ചിരിച്ചും അഭിനയിക്കുന്ന ഞങ്ങളുടെ സ്മിനു ചേച്ചി... ഡിസംബര്‍ രണ്ടിന് സൗദി വെള്ളക്ക തീയറ്ററില്‍ എത്തുമ്പോള്‍ ചേച്ചിയുടെ കഥാപാത്രമായ പ്രധാനാദ്ധ്യാപികയെ കാണാന്‍ നിങ്ങളെ ഞങ്ങള്‍ വിളിക്കുകയാണ്...
വന്നേക്കണേ... നമുക്കൊരുമിച്ചു കാണാം....
