ലിച്ചിയുടെ അച്ഛനായി മമ്മൂട്ടി അഭിനയിച്ചാല്‍ എന്താ കുഴപ്പം?; പിന്തുണയുമായി റിമ
ലിച്ചിയുടെ അച്ഛനായി മമ്മൂട്ടി അഭിനയിച്ചാല്‍ എന്താ കുഴപ്പം?: റിമ കല്ലിങ്കൽ
രേഷ്മയ്ക്ക് പിന്തുണയുമായി റിമ കല്ലിങ്കൽ രംഗത്ത്. ഒരു സൂപ്പർതാരം തന്റെ അച്ഛനായി അഭിനയിക്കൂ എന്നുപറഞ്ഞതിനാണ് ലിച്ചിയെ എല്ലാവരും ചേർന്ന് ട്രോൾ ചെയ്തത്. എന്തിനാണ് ഇതൊക്കെ? അദ്ദേഹത്തിന് ഇങ്ങനെയൊരു വേഷം ചെയ്യാൻ കഴിയില്ലെന്നാണോ ഇക്കൂട്ടർ ചിന്തിക്കുന്നത്. അദ്ദേഹം അത് മികച്ചതാക്കും എന്നാണ് എനിക്ക് തോന്നുന്നത്. മുൻകാല സിനിമകൾ നോക്കിയാൽ അത് മനസ്സിലാകുമെന്നും റീമ പറയുന്നു.
അങ്കമാലി ഡയറീസ്, വെളിപാടിന്റെ പുസ്തകം എന്നീ ചിത്രങ്ങളിലൂടെ പ്രേക്ഷകർക്ക് പ്രിയങ്കരിയായി മാറിയ താരമാണ് രേഷ്മ അന്ന രാജൻ. ഈയിടെ താരം ഒരു ചാനൽ പരിപാടിയിൽ മലയാളത്തിലെ ഒരു സൂപ്പര്‍താരത്തെക്കുറിച്ച് അന്ന നടത്തിയ ഒരു പരാമർശം ആരാധകർക്കിടയിൽ വലിയ പ്രശ്നങ്ങൾ സൃഷ്ടിച്ചിരുന്നു.
ദുല്‍ഖരിന്റെ നായികയായി അഭിനയിക്കാം മമ്മൂട്ടി വേണമെങ്കില്‍ തന്റെ അച്ഛനായി അഭിനയിക്കട്ടെ എന്ന് പറഞ്ഞതിന്റെ പേരില്‍ നടി അന്ന രാജന് മമ്മൂട്ടി ആരാധകരില്‍ നിന്നും ട്രോളുകളും അസഭ്യ വര്‍ഷങ്ങളും എറ്റു വാങ്ങേണ്ടി വന്നിരുന്നു. താരത്തിനു നേരെ സൈബര്‍ ആക്രമണം ശക്തമായതോടെ താരം മാപ്പ് ചോദിച്ച് രംഗത്തെത്തിയിരുന്നു.
