അഖിൽ അക്കിനേനി നായകനായി എത്തുന്ന ഏജൻ്റെ ഈ മാസം 28ന് റിലീസിന് തയ്യാറെടുക്കുകയാണ്. മലയാളി താരമായ മമ്മൂട്ടിയും ചിത്രത്തിൽ ഒരു പ്രധാനകഥാപാത്രമായി എത്തുമെന്ന് നേരത്തെ തന്നെ ഏജൻ്റ് സിനിമയുടെ അണിയറക്കാർ വ്യക്തമാക്കിയിരുന്നു. എന്നാൽ സിനിമയിൽ എത്രത്തോളം പ്രാധാന്യമുള്ള വേഷമാണ് മമ്മൂട്ടിയുടേതെന്ന് ആരാധകർക്ക് സംശയമുണ്ടായിരുന്നു.
ഇപ്പോഴിതാ ഈ സംശയങ്ങൾക്ക് മറുപടി നൽകിയിരിക്കുകയാണ് സിനിമയുടെ അണിയറക്കാർ. ചിത്രത്തിൽ മുഴുനീളമുള്ള കഥാപാത്രമായാണ് മമ്മൂട്ടി എത്തുന്നതെന്ന് അവർ വ്യക്തമാക്കുന്നു. സുരേന്ദർ റെഡ്ഡി സംവിധാനം ചെയ്യുന്ന ചിത്രത്തിൽ മോഡലായ സാക്ഷി വൈദ്യയാണ് നായികയെ അവതരിപ്പിക്കുന്നത്. ഒരു സ്പൈ ത്രില്ലറായാണ് ചിത്രം ഒരുക്കിയിരിക്കുന്നത്.
