വിജയ് സേതുപതിയെ കേന്ദ്രകഥാപാത്രമാക്കി നിതിലന്‍ സ്വാമിനാഥന്‍ സംവിധാനം ചെയ്ത ആക്ഷന്‍ ത്രില്ലര്‍ മഹാരാജ വന്‍ വിജയമായി മാറി.ജൂണ്‍ 14 ന് റിലീസ് ചെയ്ത സിനിമയുടെ കളക്ഷന്‍ റിപ്പോര്‍ട്ടാണ് പുറത്തുവന്നിരിക്കുന്നത്.
2024-ല്‍ ഒരു തമിഴ് ചിത്രത്തിന്റെ റെക്കോഡ് ഓപ്പണിംഗ് ആണ് ചിത്രം സ്വന്തമാക്കിയത്.മൂന്ന് ദിവസം കൊണ്ട് ലോകമെമ്പാടുമായി 32.6 കോടിയില്‍ കൂടുതല്‍ കളക്ഷന്‍ നേടിയെന്ന് നിര്‍മ്മാതാക്കള്‍ ഔദ്യോഗികമായി അറിയിച്ചു.
ബക്രീദ് അവധിയായതിനാല്‍ നാലാം ദിവസത്തെ കളക്ഷന്‍ ഉയരങ്ങളില്‍ എത്തി. 'മഹാരാജ' ലോകമെമ്പാടുമുള്ള തിയേറ്ററുകളില്‍ നിന്നായി 4-ാം ദിവസം ഏകദേശം 8 കോടി രൂപ നേടിയതായി റിപ്പോര്‍ട്ടുണ്ട്, കൂടാതെ ചിത്രം നാലാം ദിവസം അവസാനിച്ചപ്പോള്‍ 40 കോടി ആഗോള കളക്ഷനും നേടിക്കഴിഞ്ഞു.
ആക്ഷന്‍ ത്രില്ലറില്‍ വിജയ് സേതുപതി, അനുരാഗ് കശ്യപ്, നട്ടി നടരാജ്, മംമ്ത മോഹന്‍ദാസ്, മുനിഷ്‌കാന്ത് എന്നിവരാണ് പ്രധാന കഥാപാത്രങ്ങളെ അവതരിപ്പിച്ചത്.
