നടന്‍ മാധവനും ഭാര്യ സരിതയും തങ്ങളുടെ ഇരുപത്തി രണ്ടാം വിവാഹ വാര്‍ഷികം ആഘോഷിക്കുകയാണ്. ഇരുവരും പരസ്പരം ആശംസകള്‍ കൈമാറി. ഇരുവരുടെയും പഴയകാല ചിത്രം പങ്കു വച്ചു കൊണ്ടാണ് സരിതയുടെ ആശംസ.
'ഈ വര്‍ഷങ്ങളിലത്രയും എന്നെ അതീവ വിസ്മയത്തിലും സ്‌നേഹത്തിലും സൂക്ഷിച്ചതിന് നന്ദി. ആശംസകള്‍ പൊണ്ടാട്ടി, ഇനിയും ഏറെ മുന്നോട്ട്'- മാധവന്‍ കുറിച്ചു.
'22 വര്‍ഷങ്ങള്‍, നീയിപ്പോഴും എന്റെയുള്ളിലെ കുട്ടിത്തം പുറത്തെടുക്കുന്നു. ആശംസകള്‍ ഹണീ, ഒരുപാട് സ്‌നേഹം'- സരിത കുറിച്ചു.
1999ലാണ് മാധവനും സരിതയും വിവാഹിതരാകുന്നത്.വേദാന്ത് എന്നാണ് ഇരുവരുടെയും മകന്റെ പേര്.
